व्हायरल होत असलेल्या व्हिडिओमध्ये ट्रेन स्टेशनवर येत असताना दिसतेय...त्याचवेळी प्लॅटफॉर्म आणि रेल्वे रुळांवर जाऊन काहीजण ट्रेनवर दगडफेक करतायत...

हे दगडफेक करणारे CJPचे आंदोलक असल्याचा दावा करण्यात आलाय...पण, खरंच आंदोलकांनी हायड्रोजन ट्रेनवर दगडफेक केलीय का...?

दिल्लीतील आंदोलनानंतर आता अनेक व्हिडिओ व्हायरल केले जातायत...आता ट्रेनवर झालेल्या दगडफेकीचा व्हिडिओ सध्या प्रचंड व्हायरल होतोय...ही ट्रेन भारताची पहिली स्वदेशी 'हायड्रोजन ट्रेन' असून कॉकरोच जनता पार्टीच्या कार्यकर्त्यांनी दगडफेक केल्याचा दावा केलाय...पण, खरंच हे आंदोलक सीजेपीचे समर्थक आहेत का...? हा व्हिडिओ खरंच दिल्लीतील आंदोलनातील आहे का...? ही दगडफेकीची घटना कधी घडली आणि ती हायड्रोजन ट्रेन होती का...? याची सत्यता जाणून घेण्यासाठी आमच्या व्हायरल सत्य टीमने पडताळणी सुरू केली...त्यावेळी रेल्वेने याबाबत अधिकृत स्पष्टीकरण जारी केलंय...त्यामुळे आमच्या पडताळणीत काय सत्य समोर आलं पाहुयात...

व्हिडिओत दिसत असलेली ट्रेन हायड्रोजन ट्रेन नाही

WAG-12 लोकोमोटिव्हने चालवली जाणारी मालगाडी

व्हायरल व्हिडिओचा CJP आंदोलनाशी संबंध नाही

CJP आंदोलकांनी ट्रेनवर दगडफेक केलेली नाही

व्हायरल होत असलेला व्हिडिओ जुन्या घटनेतील

रेल्वेने दिलेल्या माहितीनुसार व्हिडिओत दिसणारा इंजिनचा भाग हा 'WAG-12' इलेक्ट्रिक फ्रेट लोकोमोटिव्ह आहे...हायड्रोजन ट्रेनचा हा व्हिडिओ नाही...त्यामुळे आमच्या पडताळणीत CJPच्या आंदोलकांनी पहिल्या हायड्रोजन ट्रेनवर दगडफेक केल्याचा दावा असत्य ठरलाय..