Mumbai Local Viral Video: मुंबई लोकल ट्रेनमधून प्रवास करणं काही सोपं काम नाही. कारण ट्रेनमध्ये इतकी प्रचंड गर्दी असते की जणू विशेष प्रकारचं ट्रेनिंग घेतल्याशिवाय माणूस चढूच शकणार नाही. त्यात पुन्हा बसण्यासाठी जागा मिळवायची म्हणजे कठीणच.

मुंबईच्या लोकलची गर्दी हा नेहमीच चर्चेचा विषय ठरत असतो. मुंबईच्या मुंबईतील पश्चिम रेल्वे लोकलचा असाच एक व्हिडिओ सोशल मीडियावर व्हायरल होत आहे. ज्यामध्ये इतकी गर्दी झालीये की ट्रेनचा दरवाजा ही लागणे अशक्य झाले आहे.. (Viral VIdeo News In Marathi)

मुंबईतील (Mumbai Local) बहुतेक चाकरमानी कामावर जाण्यासाठी लोकल ट्रेनचा वापर करतात. मुंबई आणि आजूबाजूच्या शहरात दिवसेंदिवस लोकसंख्या वाढत आहे. त्याचबरोबर लोकल ट्रेनमधील प्रवाशांची संख्या वाढू लागली आहे. त्यामुळे प्रवाशांना रोज गर्दीचा सामना करावा लागतो. याच लोकल ट्रेनमधील गर्दीमुळे अनेक जण जिवावर उदार होऊन प्रवास करत असतात.

सध्या मुंबईतील पश्चिम रेल्वेच्या लोकलचा एक व्हिडिओ चांगलाच (Viral Video) व्हायरल होत आहे. या एसी ट्रेनमध्ये तुडूंब गर्दी झाल्याचे पाहायला मिळत असून ट्रेनचा दरवाजाही लागणे कठीण झाले आहे. आणि महत्वाचे म्हणजे दरवाजा होईपर्यंत ट्रेनही हलत नाही. त्यामुळे प्रवाशी एकमेकांना रेचून रेचून पुढे सरकताना दिसत आहे.

तर फलाटावरील गार्डही त्यांना आतमध्ये ढकलताना दिसत आहे. या व्हायरल व्हिडिओवर अनेकांनी मुंबईकरांच्या संघर्षाचे कौतुक केले आहे. दरम्यान, या व्हायरल व्हिडिओवर नेटकऱ्यांनी जोरदार प्रतिक्रिया दिल्या आहेत. काही जणांनी असा प्रवास धोकादायक असल्याचे म्हणले आहे. तर काही जणांनी मुंबईमध्ये होणारी गर्दी चिंतेचा विषय असल्याचेही म्हणले आहे. (Latest Marathi News)