हा व्हिडिओ पाहून गृहिणींना किचनमध्ये जाण्याची हिंमतही होणार नाही. कारण, किती भयानक हा व्हिडिओ आहे पाहा.2 मिनिट 55 सेकंदाचा हा व्हिडिओ नीट पाहा.किचनमध्ये गॅस लिक झाल्यानंतर महिलेनं सिलेंडर हॉलमध्ये आणला...यावेळी सिलेंडरमधून गॅस लिक होत असल्याचं स्पष्ट दिसतंय.

गॅस लिक होत असल्याने घरातील एक महिला आणि व्यक्ती घराबाहेर पळाले आणि काही वेळानंतर पुन्हा सिलेंडरजवळ आले.यावेळी किचनमधून आग सिलेंडरच्या दिशेनं आली आणि एकच भडका उडाला.यावेळी दोघांनीही पळ काढला. मात्र, हा स्फोट खरंच झाला की, रील्ससाठी काही एआयच्या माध्यमातून हा व्हिडिओ बनवलाय...? असेही सवाल उपस्थित झाल्याने आमच्या व्हायरल सत्य टीमने याबाबत अधिक माहिती तज्ज्ञांकडून जाणून घेतली.

त्यामुळे आमच्या पडताळणीत काय सत्य समोर आलं पाहुयात.

व्हायरल सत्य/साम इन्व्हिस्टिगेशन

सिलेंडर गॅस लिकेजमुळे आगीची घटना खरी

LPG सिलेंडरमधून सगळा गॅस बाहेर पडला

दार खिडक्या उघड्या असल्याने गॅस हवेत विरघळला

बर्नर गरम असल्यामुळे आग लागली

सिलेंडरचा स्फोट झालेला नाही

त्यामुळे प्रत्येक घरात सिलेंडर असतो. बर्नर, शेगडी, गॅसचा पाईप वारंवार तपासून पाहावा. यामध्ये गॅसचा पाईप खराब झाल्यामुळे गॅस लिकेज झाल्याची माहिती तज्ज्ञांनी दिलीय..त्यामुळे काय काळजी घ्यायला हवी पाहुयात.

गॅस गळती झाल्यास काय करावे?

घराचे दरवाजे आणि खिडक्या उघडा

सिलेंडरचा रेग्युलेटर काढून सेफ्टी कॅप बसवा

जाड चादर, ब्लँकेट पाण्यात भिजवून सिलेंडरला गुंडाळा

एवढी जरी काळजी घेतली तरी मोठा धोका टाळता येतो...आमच्या पडताळणीत रिल्ससाठी सिलेंडर स्फोट केल्याचा दावा असत्य ठरला असून, खरंच ही आग लागल्याचा दावा सत्य ठरलाय