पोरं नाही ऐकणार, बापटांना नाचवणार.. होय.. होय.. आपल्या अस्खलित मराठी वाक्चातुर्यानं भल्याभल्यांना गारद करणाऱ्या विद्यानंद बापटांचा डीजेवरच नाचतांनाचा एक व्हिडीओ समोर आलाय. पुण्यातल्या गणेश पेठ मधील गणेश विकास मंडळानं थेट एलईडी स्क्रीनवरच बापटांचा नाचतांनाचा व्हिडीओ दाखवलाय. हा बघा, पाहिलंत.. हे तेच विद्यानंद बापट आहेत ना? जे ढोलताशांच्या गजरात नाचतायेत.?

याच विद्यानंद बापटांनी पुणेकर कार्यकर्त्यांचा मोठा विरोध डावलून प्रसंगी मार खाऊनही डिजेला विरोध कायम ठेवला होता. आणि तेच बापट ढोल ताशांच्या गजरात नाचतांना पाहून अनेकांना आश्चर्य वाटू लागलं. पण हा सगळा प्रकार काय आहे पाहा,

बापटांचा नाचतांनाचा व्हिडीओ प्रचंड वायरल झालाय. पण हा व्हिडीओ खरा नाही. बापट कुठंही नाचले नाही, किंवा कोणत्याची मिरवणूकीत ते सहभागी झालेले नाहीत तर हा एआयच्या माध्यमातून केलेला व्हिडीओ आहे. केवळ आणि केवळ बापटाच्या डिजेविरोधाला विरोध म्हणूनच खिल्ली उडवण्यासाठी हा एआय व्हिडीओ बनवण्यात आलाय. यावर अद्याप बापटांची प्रतिक्रिया समोर आलेली नसली तरी या व्हिडीओनंतर पुणे तिथं काय उणे याचाच पुन्हा प्रत्यय पुणेकरांच्या या क्रिएटिव्हीटीनं आलाय असं म्हटलं तरी चुकीचं ठरणार नाही.