Pakistan Viral Video : पाकिस्तानच्या लोकांचा काही नेम नाही, ते कधी काही करतील याचा अंदाज कुणालाच बांधता येत नाही. पाकिस्तानमधील अनेक व्हायरल व्हिडीओ तुम्ही पाहिले असतील. पिठासाठी भांडणं, उद्घटनला मॉल लुटला, फुगे बांधून लग्नाचे हवेत फोटोशूट, डोक्यावर सीसीटीव्ही यासारखे अनेक अतरींगी व्हिडीओ तुम्ही पाहिले असतील. पण आता पाकिस्तानमधील आणखी एक व्हिडीओ सोशल मीडियावर धूमाकूळ घालत आहे.

पाकिस्तानमधील व्यक्ती चक्क वाघावर बसून फेरफाटका मारतो. याचा व्हिडीओ सोशल मीडियावर व्हायरल झालाय. नेटकऱ्यांनी यावर संतप्त प्रतिक्रिया दिल्या आहेत.

वाघ समोर आला, तर आपल्याला भीती वाटतेच. प्राणिसंग्रहालयात जरी वाघ असला, त्याने कटाक्षाने आपल्याकडे पाहिलं तरी आपल्याला थोडी का होईना पण मनात भीती येतेच. मग त्याच्या जवळ जाणं तर दूरच.. पण पाकिस्तानमधील एका तरुणाचा वाघावर बसून फेरफटका मारणारा व्हिडीओनं सोशल मीडियावर धुमाकूळ घातलाय. या व्हिडीओची सोशल मीडियावर जोरदार चर्चा आहे. नेटकऱ्यांनी पाकिस्तानच्या या रिलस्टारवर टीका केली आहे.

पाहा व्हायरल होणारा व्हिडीओ

इन्स्टाग्रामवर व्हायरल होणाऱ्या व्हिडीओत पाकिस्तानमधील एक माणूस वाघावर घोडा असल्याप्रमाणे बसल्याचे दिसतय. हा वाघ बेड्याबंद आहे. नौमन हसन यानं इन्स्टाग्रामवर हा व्हिडीओ पोस्ट केलाय. हा धक्कादायक व्हिडिओने सोशल मीडियावर अवघ्या काही दिवसात एक लाखाहून अधिक व्ह्यूज मिळविले आहेत.

इन्स्टाग्रामवर व्हायरल झालेल्या व्हिडीओत तो माणूस एका मोठ्या वाघावर बसलेला दिसत आहे. मोकळ्या भागातून वाघावर फेरफटका मारताना दिसतोय. व्हिडीओत मागे दोन पिंजरे दिसतात. एकामध्ये सिंह आणि दुसऱ्यामध्ये सिंहीण आहे. या व्हिडिओवर अनेक नेटकऱ्यांनी गंभीर प्रतिक्रिया दिल्या आहेत. वाघ हे काय खेळणं आहे का? वाघाला आपल्या मनोरंजनासाठी कोण वापर करतं? यासारख्या संतप्त प्रतिक्रिया उमटत आहेत.