Angry Woman Viral Video: वटसावित्री पोर्णिमेच्या निमित्ताने काल अनेक महिला पारंपरिक वेशभूषेत दिसून आल्या. या दिवशी महिलांचा वेगळाच उत्साह पाहायला मिळतो. पूजा, फेरे, पारंपरिक अलंकार, नवीन साडी आणि अर्थातच फोटोशूट हे सगळं अगदी ठरलेलं असतं. मात्र यंदा सोशल मीडियावर एका फोटोमधून निर्माण झालेल्या गोंधळामुळे एक महिला चर्चेचा विषय ठरली आहे.

नेमके घडले काय?

एक महिला(Women) वटसावित्रीची पूजा करत वडाच्या झाडाच्या बाजूला बसलेली असते. पूजा करुन झाल्यानंतर ती तिथेच फोटो काढण्यासाठी बसते. अतिशय सुंदर फोटोसाठी पोज देत असते. त्यासाठी सर्व परफेक्ट असतो. पण फोटो क्लिक होणार त्याच क्षणी एक चिमुकला अचानकमध्ये येतो आणि त्याचमुळे त्या महिलेचा संताप अनावर होतो.

सध्या हा व्हिडिओ समाज माध्यमांवर मोठ्या प्रमाणात व्हायरल(Viral) झालेला आहे. त्याला हजारो लाईक्स आणि मोठ्या संख्येने व्ह्यूज सुद्धा मिळालेले आहेत. हा व्हिडिओ जरी गमंतशीर वाटला असला तरी तो किती संतापजनक आहे असे ही दिसून येत आहे. त्यावर विविध प्रतिक्रिया अनेक लोकांनी दिलेल्या आहेत.

एका यूजरने कमेंट केली,''अशी पूजा तू आयुष्य भर जरी केली तरी काही फायदा नाही मुले ही देवा घरची फुले असतात'', दुसऱ्या यूजरने कमेंट केली,''पूजा फक्त नावाला आहे यांना फक्त फोटो काढायचे'' शिवाय काहींनी गमंतशीर प्रतिक्रिया दिलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.