Factory Cctv Footage: उत्तर प्रदेशमधील फिरोजाबाद जिल्ह्यातील दिनोली मोड येथे असलेल्या मित्तल ओवरसीज फॅक्टरीत रविवारी रात्री एक हृदयद्रावक घटना घडली आहे. या घटनेत ३२ वर्षीय कामगार पुष्पेंद्रचा मृत्यू झाला. तो दुसऱ्या मजल्यावर झोपलेला असताना अचानक खाली पडल्याने त्याचा जागीच मृत्यू झाला. ही संपूर्ण घटना फॅक्टरीतील सीसीटीव्ही कॅमेऱ्यात कैद झाली असून, ती घटना पाहून सर्वांनाच धक्का बसला आहे.

पुष्पेंद्र नावाचा तरुण मुळचा उत्तर प्रदेशचाच(Uttar Pradesh) असून तो मित्तल ओवरसीज फॅक्टरीमध्ये काही वर्षांपासून काम करत होता. रविवारी रात्री सुमारे ११ वाजण्याच्या सुमारास तो दुसऱ्या मजल्यावर झोपलेला होता. तो अत्यंत दमला असल्याने आल्यामुळे तो मजल्याच्या टोकाशीच झोपला होता. झोपेत असताना त्याने अचानक कुस बदलली आणि तो थेट दुसऱ्या मजल्यावरून खाली कोसळला.

यामध्ये त्याच्या डोक्यावर गंभीर दुखापत झाली आणि तो जागीच कोसळला. फॅक्टरीतील इतर कामगारांनी आवाज ऐकून धाव घेतली, पण तोपर्यंत पुष्पेंद्रचा श्वास थांबला होता. घटनेची माहिती मिळताच पोलिसांनी घटनास्थळी धाव घेतली आणि शवविच्छेदनासाठी मृतदेह रुग्णालयात पाठवला.

सोशल मीडियावर या घटनेचे सीसीटीव्ही फुटेज वाऱ्याच्या वेगाने व्हायरल(Viral) झालेले आहेत. सध्या तो व्हिडिओ इन्टाग्राम, ट्वीटर(एक्स) आणि फेसबूक अशा विविध प्लॅटफॉर्मवर अपलोड झालेला आहे. ही घटना इतकी दुर्दैवी होती की प्रत्येक प्रत्येकाने भावनिक प्रतिक्रिया दिलेल्या आहेत.

टीप: कर्मचाऱ्याचा हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.