10 रुपयांचं नाणं बंद होणार असा दावा केल्याने एकच खळबळ उडालीय... काही दिवसांपूर्वी 100 रुपयांची नोट बंद होणार असल्याचा दावा करण्यात आला होता... माझ, खरंच आता 10 रुपयांचं नाणं बंद होणार आहे का? याची आम्ही पडताळणी सुरू केली... त्याआधी मेसेजमध्ये काय दावा केलाय पाहुयात...

रिझर्व्ह बॅंकेने नोटिफिकेशन जारी केलंय. लवकरच 10 रुपयांचं नाणं चलनातून बाद होणार. त्यामुळे तुमच्याकडील 10 रुपयांचं नाणं वापरून टाका. हा मेसेज व्हायरल होतोय... त्यामुळे अनेकांना खरं वाटू लागलंय... 10 रुपयाचं नाणं हे छोटं चलन असल्याने कोणतीही छोटी वस्तू घेण्यासाठी फायदेशीर ठरतं...पण, हे 10 चं नाणं बंद का होणार आहे... खरंच हे नाणं चलनातून बाद होणार आहे का? याची सत्यता जाणून घेणं गरजेचं आहे... याबाबतची माहिती रिझर्व्ह बॅंकेकडून मिळू शकते.... त्यामुळे आमच्या व्हायरल सत्य टीमने याची सत्यता पडताळण्यासाठी रिझर्व्ह बँकेशी संपर्क साधला... त्यावेळी काय सत्य समोर आलं पाहुयात...

आतापर्यंतची सर्व 10 रुपयांची नाणी वैध आहेत

काही ठिकाणी 10 च्या कॉईनचा गैरवापर करण्यात आला

14 प्रकारची 10 ची नाणी चलनात कायम राहतील

नाण्याचा गैरवापर केला जातोय... त्यामुळे काही दुकानदार 10 रुपयांची नाणी ग्राहकांकडून घेत नाही... त्यामुळे अशा अफवा पसरवल्या जातात... आमच्या पडताळणीत 10 रुपयाचं नाणं बंद होणार असल्याचा दावा असत्य ठरला.