Osmanabad Wedding Video: हल्लीच्या काळात लग्न समारंभात वैविध्य आणि वैभव दाखवण्यासाठी बरेचजण हटके गोष्टी करत असतात. परंतु, धाराशिव जिल्ह्यातील एका शेतकऱ्याने हौस म्हणून मुलाच्या लग्नाची मिरवणूक थेट हेलिकॉप्टरने काढलीय. सोशल मीडियावर मिरवणूकीतील व्हिडिओ तुफान व्हायरल झालेला आहे.

वरात आली थेट आकाशातून!

धाराशिवच्या भूम तालुक्यातील अंतरवली गावातील शेतकरी भास्कर शिकेतोड या शेतकऱ्यांनी मुलाच्या लग्नासाठी(Weeding) गावात थेट हेलीकाॅप्टरच आणला. शिकेतोड यांचा मुलगा आकाश आणि अस्मीता या दोघांचा विवाह काल पार पडला लग्नात नवरदेवाची मिरवणूक थेट हेलीकॉप्टरने काढण्यात आली.

भास्कर शिकेतोड यांनी त्यांच्या मोठ्या मुलाच्या लग्नात ही हेलीकॉप्टरमधुन मिरवणूक काढली होती. भास्कर शिकेतोड यांच्या स्वतःच्या लग्नात त्यांची मिरवणूक मोटारसायकलवरुन काढण्यात आली होती. मात्र, मुलांच्या लग्नात हेलीकॉप्टरने मिरवणूक काढायची असं शेतकरी शिकेतोड यांनी ठरवल होत.

शेतकऱ्याची स्टाईल बघून सगळे म्हणाले...

हा व्हिडिओ(Video) पाहिल्यानंतर नेटकरी वर्गातून अनेक प्रतिक्रिया आलेल्या आहेत. त्यातील एका यूजरने म्हटलं आहे,''शेतकऱ्याला कमी नका समजू रॉयल शेतकरी'' दुसऱ्या यूजरने कमेंट केली आहे,''नाद करायचा नाय'' अशा अनेक प्रतिक्रिया आलेल्या आहेत.

टीप: हा लग्नातील व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.