Indian Railway Viral Video: सोशल मीडियाला व्हायरल व्हिडीओच व्यासपीठ मानलं जातं. सोशल मीडियावर दररोज नवनवीन अतरंगी व्हिडीओ व्हायरल होत असतात. यातील काही व्हिडीओ हे मजेशीर तर काही थक्क करणारे असतात. रस्त्यात एखादी गाडी बंद पडली, की तिला धक्का मारत असल्याचे अनेक व्हिडीओ तुम्ही आजवर पाहिले असतील. पण कधी बंद पडलेल्या ट्रेनला धक्का मारतानाचा व्हिडीओ तुम्ही पाहिला आहेत का?

रेल्वे जवानांनी धक्का देत ट्रेन केली सुरू

सोशल मीडियावर (Social Media) असाच एक व्हिडीओ व्हायरल होत आहे. या व्हिडीओत भारतीय रेल्वेचे जवान एका बंद पडलेल्या ट्रेनला धक्का मारताना दिसून येत आहे. हा व्हिडीओ पाहून अनेकांनी आश्चर्य व्यक्त केलं आहे. तर यावर नेटकऱ्यांनी भन्नाट प्रतिक्रिया देखील दिल्या आहेत.

भीषण पूरस्थिती असो वा, भीषण रेल्वे अपघात (Train Accident) भारतीय रेल्वे जवानांच्या शौर्याचे अनेक व्हिडीओ समोर येत असतात. रेल्वेचे हे जवान दिवसरात्र प्रवाशांच्या मदतीसाठी तत्पर असतात. सध्या सोशल मीडियावर भारतीय जवान बंद ट्रेनला धक्का देत सुरु करत असल्याचा व्हिडीओ व्हायरल होत आहे.

व्हायरल व्हिडीओत काय आहे?

सोशल मीडियावर व्हायरल झालेल्या व्हिडीओत (Viral Video) भारतीय रेल्वेचे जवान आणि काही रेल्वे कर्मचारी मिळून एका बंद पडलेल्या ट्रेनला धक्का देत आहेत. हे सर्वजण मिळून ट्रेनला एका दिशेने ढकलत असल्याचे दिसत आहे, थोड्याच वेळात हळूहळू पुढे जाऊ लागते. ट्रेन पुढे सरकताच सर्व रेल्वे कर्मचारी आनंदी होतात.

हा व्हिडिओ व्हायरल @syedrafi नावच्या ट्विटर अकाउंटवरुन शेअर करण्यात आला आहे. आतापर्यंत हा व्हिडीओला लाखो लोकांनी बघितला असून अनेकांनी आश्चर्य व्यक्त केलं आहे. जवानांच्या शौर्याचं नेटकरी कौतुक करीत आहेत. तर काही जणांनी या व्हिडीओवरून केंद्र सरकारवर टीका देखील केली आहे.

Edited by - Satish Daud