Delhi Metro Viral Video

दिल्ली मेट्रो अन् व्हायरल व्हिडिओ ह समिकरण काही सर्वांसाठी नवीन नाही. दिल्ली मेट्रो असो वा दिल्लीतील बस सेवा किंवा दिल्लीतील एखादा परिसरातील वादविवादांचे प्रकरण नेहमीच चर्चेत असते.कधी काही तरुणाई आपल्या मर्यादा ओलांडताना दिसून येतात तर कधी विचित्र असे प्रकार दिल्लीतील मेट्रोमध्ये(Metro) घडतात.

बऱ्याच दिवसानंतर दिल्ली मेट्रो पुन्हा एकदा चर्चेत आली आहे. परत एकदा दिल्ली मेट्रोमधला आणखी एक व्हिडिओ आता सोशल मीडियावर व्हायरल होत आहे.त्यात एक पुरुष डब्यात असलेल्या दुसऱ्या व्यक्तीला जोरदार मारताना दिसत आहे.

सोशल मीडियावर ९ सेकंदाच्या व्हायरल व्हिडिओमध्ये आपल्याला मेट्रोमध्ये प्रवाशांची मोठ्या प्रमाणात गर्दी दिसत आहे. त्यात आपल्याला दोन व्यक्ती दिसत आहे,ज्यातील एक व्यक्ती पांढऱ्या रंगाचा जॅकेट घातलेल्या व्यक्तीला जोरदार मारत आहे. मात्र मेट्रोमधील अन्य प्रवाशी फक्त पाहत उभे आहे.

व्हायरल व्हिडिओ @gharkekalesh या सोशल मीडिया प्लॅटफॉर्म (Patform)एक्सवरील अकाऊंटवर शेअक करण्यात आलेला आहे. व्हिडिओ पोस्ट करत कॅप्शनमध्ये लिहिले आहे चोरी करताना पकडण्यात आले असल्यामुळे त्याला मारत आहे. मात्र नक्की हे कारण आहे का हे समजू शकलेले नाही.व्हिडिओ व्हायरल झाल्यानंतर नेटकऱ्यांनी अनेक प्रतिक्रिया केल्या असून व्हिडिओला लाखोंच्या घरात व्ह्यूज मिळाले आहेत.