Telangana Viral Video: 'आता तर हद्द झाली राव!' असं म्हणावं लागेल अशा एका धक्कादायक प्रकाराचा व्हिडिओ सध्या सोशल मीडियावर तुफान व्हायरल होत आहे. या व्हायरल व्हिडिओमध्ये एक तरुणी चक्क आपली कार रेल्वे ट्रॅकवरून चालवत असल्याचं दिसतं. हा व्हिडिओ पाहून अनेकांनी डोक्यावर हात मारला आहे. काहींनी या महिलेला 'धाडसी' म्हटलं, तर काहींनी 'बेजबाबदार' ठरवलं आहे.

व्हायरल(Viral) व्हिडिओमध्ये एका तरुणीने आपल्या चारचाकी गाडीसह रेल्वे ट्रॅकवर गाडी आणली आहे. रुळांवरून ती अत्यंत कार चालवत आहे. या दृश्यांमुळे नागरिकांच्या आणि नेटिझन्सच्या नजरा थक्क होऊन राहिल्या आहेत. रुळावरून गाडी चालवणं म्हणजे किती मोठं धोका आहे हे सर्वांना माहीत असूनही ती महिला असा प्रकार करते, याचे अनेकांना आश्चर्य वाटले आहे.

सदर घटना ही  तेलंगणामधील असल्याचे समोर आले आहे. हा व्हिडिओ सोशल मीडियावर वेगानं पसरत असून तो व्हिडिओ इन्स्टाग्राम, एक्स( ट्वीटर) आणि फेसबूक असा प्रसिद्ध सोशल मीडिया प्लॅटफॉर्मवर नागरिकांनी पाहिला असून तो सध्या एक्सवरील @NewsMeter_Inया अकाउंटवर अपलोड करण्यात आलेला आहे.

या व्हिडिओवर(Video) नेटिझन्सनी वेगवेगळ्या प्रतिक्रिया दिल्या आहेत. काही नेटकऱ्यांनी हा प्रकार अतिशय बेजबाबदार आणि धोकादायक असल्याचं म्हटलं आहे. एक युजरने म्हटलं की,"हे केवळ स्वतःचं नाही तर इतरांचंही आयुष्य धोक्यात घालण्यासारखं आहे", तर दुसरा एक कमेंट करतो, "हे धाडस नाही, मूर्खपणाचं उत्तम उदाहरण आहे''.

टीप: तरुणीच्या या स्टंटबाजी हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.