आपल्यातील अनेक जणांचा दिवस चहा पिऊन सुरू होतो. चहाची रेसिपी अतिशय सोपी आहे. फक्त ५ मिनिटांत तुम्ही झटपट चहा तयार करू शकता. मात्र, काही लोक या साध्या रेसिपीत अजब प्रयोग करून पदार्थाची मजा घालवतात. असाच एक विचित्र प्रयोग एका व्हिडीओमध्ये पाहायला मिळतो.

या व्यक्तीनं चहामध्ये केळं, सफरचंद आणि चिकू असे अनोळखी घटक मिसळले आहेत. हे पाहून कोणालाही धक्का बसेल. असा चहा कधी पाहिला नसेल, एवढं नक्की. या अतरंगी प्रकारानं चहाच्या चाहत्यांना विचार करायला लावलं आहे. ही अनोखी चहाची रेसिपी 'fittrwithrohit' या इन्स्टाग्राम पेजवर शेअर करण्यात आली आहे ही रेसिपी सूरत या ठिकाणाची आहे असे व्हिडीओमध्ये दिसत आहे आणि 'चहासाठी न्याय' असे कॅप्शनमध्ये लिहिले आहे.

विक्रेत्यानं एका भांड्यात दूध घेतले, त्यावर चमचाभर चहापती टाकली. साखर, केळं, चिकू आणि सफरचंद टाकले. शेवटी मसाला घालून सगळं मिश्रण चांगलं एकत्र केलं. अशा विचित्र पद्धतीने तयार झाले चहा. या अनोख्या प्रयोगाने नेटकऱ्यांचे लक्ष वेधून घेतले असून, चहाच्या या नव्या रूपाने अनेक जणांना चकित केले आहे.

या अजब चहाचा व्हिडीओ ४ मिलियन अधिक नेटकऱ्यांनी पाहिला आहे, आणि यावर मिळालेल्या प्रतिक्रिया प्रचंड मजेशीर आहेत. काहींनी मॅगीनंतर आता लोकांनी चहांवर प्रयोग सुरू केल्याचं म्हटलं आहे, तर काहींच्या मते असा चहा पिण्यापेक्षा चहा न पिलेला चांगलं. एका युजरने तर अशा चहांसाठी नर्कामध्ये वेगळी शिक्षा असावी, असंही लिहिलंय. या अतरंगी चहांवर तुमचं मत काय आहे? तुम्ही देखील तुमच्या प्रतिक्रिया शेअर करा.