Snake Video Viral: डोंबिवली रेल्वे स्थानकावर सोमवारी रात्री साडेआठ वाजण्याच्या सुमारास अचानक गोंधळ उडाला. कारण होते की, प्लॅटफॉर्म क्रमांक ३ वर कचऱ्याच्या डब्याजवळ साप दिसून आला होता. गर्दीच्या वेळेत झालेल्या या घटनेमुळे काही वेळासाठी रेल्वे स्थानकावर एकच खळबळ उडाली होती.

प्रत्येक दिवसाप्रमाणेच सोमवारी रात्रीही डोंबिवली स्थानकावर चढ-उतर करणाऱ्या प्रवाशांची मोठी गर्दी होती. दरम्यान, तिथे असलेल्या एका प्रवाशाच्या लक्षात आलं की, प्लॅटफॉर्म क्रमांक ३ वर कचऱ्याच्या डब्याजवळ काहीतरी हालचाल होते. जरा नीट पाहिलं असता तो साप(Snake) असल्याचं लक्षात आलं आणि क्षणातच एकच गोंधळ उडाला.

साप दिसताच तिथे असलेल्या प्रत्येक प्रवाशांमध्ये भीतीचं वातावरण निर्माण झालं. काही जण मागे हटले, तर काहींनी साप कुठे जातोय हे पाहण्यासाठी व्हिडिओ काढायला सुरुवात केली. सुरूवातीला जी घबराट पसरली होती, तीच नंतर कुतूहलात बदलली. कारण तो साप मोठा नव्हता, तर फक्त एक सापाचं पिल्लू होतं. त्यामुळे धोक्याचा धोका कमी वाटला, आणि बघ्यांची गर्दी जमू लागली.

सध्या सर्व प्रकार सोशल मीडियाच्या इन्स्टाग्रामवरील saamtvnews या अकाउंटवर अपलोड करण्यात आलेला आहे. व्हिडिओ(Video) पाहताच त्यावर असंख्य प्रतिक्रिया, लाईक्स आणि व्हिडिओला हजारो लाईक्स मिळालेले आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.