Viral Video:

सध्या सर्वत्र प्री-वेडिंग शूटचं ट्रेंन्ड सुरू आहे. लग्न ठरल्यावर अनेक कपल प्री-वेडिंग शूट करतात. यासाठी कोण काय करेल आणि काय नाही याचा काही नेम नाही. सध्या सोशल मीडियावर प्री-वेडिंग शूटचा एक खतरनाक व्हिडीओ समोर आला आहे. या व्हिडीओमध्ये नवरा आणि नवरी पोज देत असताना त्यांच्यासमोर चक्क एक साप आला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्री-वेडिंग शूटसाठी सर्वात भन्नाट जागा असावी असं प्रत्येकाला वाटतं. यासाठी बरेचजण निसर्गाच्या सानिध्यात फोटोशूट करायचं असं ठरवतात. मग कोणी डोंगराळ जागेवर, गड किल्ल्यांवर किंवा नदी सारख्या ठिकणी फोटोशूट करतात. अशात या कपलने या पलिकडे जाऊन विचार केलाय. यांनी एका नदीकाठी फोटोशूट केलं आहे. मात्र सकाळी नाही तर रात्री. रात्रीच्या अंधारात हे दोघेही एकमेकांना मिठीत घेत मस्त पोज देत आहेत.

सोशल मीडियावर व्हायरल होत असेल्या या व्हिडीओमध्ये तुम्ही पाहू शकता की, नवरा आणि नवरी दोघेही सुंदर ड्रेस घालून रेडी झालेत. तसेच हे दोघीही नदीकाठी पाण्यात बसलेत. रॉमँटीक सीन क्रियेट करण्यासाठी फोटोग्राफरसह ४ ते ५ जणांची टीम देखील येथे उपस्थित आहे. यावेळी फोटोग्राफर कपल उभे असेल्या ठिकाणी स्मोक क्लाउड तयार करतात. यामुळे पाण्यात लपून बसलेला साप बाहेर येतो.

साप आल्याचं नवरदेवाला समजतं. आता जरा जरी हालचाल केली तर साप आपल्याला चावणार असंही त्याच्या लक्षात येतं. त्यामुळे तो लांबून बाकिच्यांना खुणावतो. त्यावेळी साप थेट फोटोग्राफर जवळ येतो. तर नंतर हा साप नवरा नवरीच्या मध्ये जाऊन उभा राहतो. यावेळी दोघेही भरपूर घाबरतात. मात्र नंतर साप या दोघांनाही काही न करता तेथून दूर निघून जातो.

प्री-वेडिंग शूटमध्ये आलेल्या सापाचा हा किस्सा @parshu_kotame_photography150 या इंस्टाग्राम अकाउंटवर पोस्ट करण्यात आला आहे. सध्या हा व्हिडीओ सोशल मीडियावर जोरदार व्हायरल होत आहे. फोटोसाठी काहीपण अशी कमेंट यावर एकाने केलीये. तर आणखी एकाने रिस्क है तो इश्क है असंही कमेंटमध्ये लिहिलंय.