जगभरात सोशल मीडियाचा वापर करणे अत्यंत वाढले आहे. मोठे व्यक्तीच नाही तर लहान मुलं ही सोशल मीडियाचा मोठ्या प्रमाणात वापर करतात. मग यातून अनेकदा धक्कादायक घटना समोर येत असतात अनेकदा यामधून व्यक्तींना जीव गमवावा लागतो. सध्या सोशल मीडियावर असाच एका घटनेचा व्हिडिओ व्हायरल होत आहे. ज्यात रिल्स बनवण्याच्या नादात महिलेच्या साडीला आग लागलेली आहे.

व्हायरल (Viral) होत असलेल्या व्हिडिओत तुम्हाला घराबाहेरील मोकळा परिसर दिसत आहे. ज्यात दोन महिला आणि एक कॅमेऱ्यामॅन आणि एक व्यक्ती आहे. मात्र या व्हिडिओत एक महिला रील्स बनवत असते, मात्र दरम्यान रिल्स(Reels) बनवताना तिच्या साडीच्या पदराला आग लागते. पदराला आग लागताच ती महिला घाबरुन सर्वत्र पळते आणि तिथे असलेले लोग आग विझवण्याचा प्रयत्न करतात. व्हिडिओच्या शेवटी महिलेच्या पदराला लागलेली आग विझते. सर्व घटना तिथे असलेल्या व्यक्तीने मोबाईलमध्ये कैद केली आहे.

महिलेच्या रीलचा व्हिडिओ एक्स या सोशल मीडिया प्लॅटफॉर्मवर व्हायरल होत आहे, मात्र तो व्हिडिओ एक्सवरील ''@priyarajputlive'' या अकाउंटवर पोस्ट करण्यात आलेला आहे. व्हिडिओ पोस्ट केल्यानंतर कॅप्शनमध्ये,''रील का भूत'' असे लिहिले आहे शिवाय व्हिडिओ पोस्ट होताच मोठ्या संख्येने व्हिडिओला लाईक्स आणि व्ह्यूज मिळाले आहेत.

एक्सवरील व्हिडिओ नेटकऱ्यांमध्ये चर्चेचा विषय ठरला आहे. व्हिडिओ पाहिल्यानंतर अनेक नेटकऱ्यांनी कमेंट्स बॉक्समध्ये प्रतिक्रिया दिलेल्या आहेत. त्यातील एका यूजरने लिहिले आहे की,''लोकांना रील बनवण्याचं, पैसे कमवायचं आणि प्रसिद्ध होण्याचं खूप वेड असतं लोकांना'' तर दुसऱ्या एका यूजरने लिहिले आहे की,''ते एका मिनिटात उतरले असेल,आता आयुष्यात पुन्हा असे होणार नाही!'' तर तिसऱ्या एका यूजरने लिहिले आहे की,''इंस्टाग्रामने रील फीचर बंद करावे'',अशा अनेक प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.