Chain Snatching Video: पंजाबमध्ये गेल्या काही दिवसांमध्ये गुन्हेगारीच्या घटनांमध्ये वाढ होत असल्याचे स्पष्ट दिसत आहे. त्यातच एका खळबळजनक प्रकाराची नोंद अलीकडेच उघडकीस आली आहे, जिथे भरदिवसा एका महिलेला लुटले गेले आहे. विशेष म्हणजे, ही संपूर्ण घटना सीसीटीव्ही कॅमेऱ्यात कैद झाली असून, सध्या ते फुटेज सोशल मीडियावरही तुफान व्हायरल होत आहे. या घटनेमुळे नागरिकांमध्ये भीतीचे वातावरण निर्माण झाले आहे.

ही घटना नेमकी कशी घडली?

व्हायरल (Viral) होत असलेल्या सीसीटीव्हीमध्ये, पती-पत्नी स्कुटीवरुन जात असतात. दरम्यान दोन तरुण त्यांच्या वाहनाला ओव्हरटेक करतात आणि त्यातील एक व्यक्ती त्या महिलेच्या जवळ जातो आणि तिच्या गळ्यातील दागिने घेचतो. त्यातही तो महिलेचे केस जोरात ओढतो आणि तिच्यावर हल्ला करण्याचा प्रयत्न करतो आणि तेथून तो पळ काढतो. या घटनेत ते दाम्पत्य गाडीवरुन जमिनीवर पडले जातात. संपूर्ण घटना परिसरातील सीसीटीव्हीमध्ये कैद झालेली आहे.

मिळालेल्या माहितीनुसार, या घटने प्रकरणी तक्रार दाखल करण्यात आली असून, सीसीटीव्ही फुटेजच्या आधारे आरोपींचा शोध सुरू आहे. शिवाय पोलिसांनी काही ठिकाणी झडती घेतली असून लवकरच या आरोपींना अटक केली जाईल,असा विश्वास व्यक्त केला जात आहे.

सोनसाखळी चोरीच्या घटनेचा व्हिडिओ (Video) एक्स सोशल मीडिया प्लॅटफॉर्मवरील @SachinGuptaUP या अकाउंटवर अपलोड करण्यात आलेला आहे. व्हिडिओ व्हायरल होताच नेटकऱ्यांनी संताप व्यक्त केलेला आहे. शिवाय या घटनेतून सावध होण्यासाठी हा व्हिडिओ अन्य सोशल मीडिया प्लॅटफॉर्मवर शेअर करण्यात आलेला आहे.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.