Chhattisgarh Shocking Video: शिक्षकाला गुरू म्हटलं जातं. समाजात शिक्षकाचं स्थान अत्युच्च मानलं जातं. विद्यार्थ्यांचे घडवणारे, त्यांना चांगलं संस्कार देणारे शिक्षकच असतात. पण, छत्तीसगडमधून समोर आलेला एक संतापजनक प्रकार संपूर्ण समाजाला डोकं खाली घालायला लावणारा आहे. एका शिक्षकाने इतकं घृणास्पद वर्तन केलं आहे की, तो शिक्षक म्हणवून घ्यायलाही लाज वाटावी. तो शिक्षक दारूच्या नशेत थेट शाळेत हजर झाला आणि विद्यार्थिनींसोबतच डान्स करू लागला. या संपूर्ण प्रकाराचा व्हिडिओ सोशल मीडियावर प्रचंड व्हायरल झाला आहे.

छत्तीसगडमधील एका शाळेमधील(School) ही घटना आहे. दररोजप्रमाणे विद्यार्थ्यांची उपस्थिती सुरू होती, वर्गात मुलंमुली उपस्थित होते. मात्र, या दिवशी शिक्षकाचा मूड काहीसा फिल्मी झाला होता. कारण, शिक्षक दारू पिऊनच शाळेत आला होता. त्याने वर्गात स्पीकर लावला आणि अचानक मोबाईलवर गाणी वाजवून विद्यार्थिनींना डान्स करण्यास सांगितलं.

शिक्षकाने मोबाईलवर एक फिल्मी गाणं सुरू केलं आणि मुलींना डान्स करण्यास सांगितलं. काही विद्यार्थिनी डान्स करत असतानाच, शिक्षक स्वतः त्या गाण्यावर ठुमके लावू लागला. नशेच्या अवस्थेत थिरकणारा शिक्षक हा संपूर्ण प्रकार दुसऱ्याच एका शिक्षकाने मोबाईलमध्ये शूट केला. हा व्हिडिओ आता सोशल मीडियावर मोठ्या प्रमाणात फिरतोय.

हा व्हिडिओ(Video) व्हायरल झाल्यानंतर नेटिझन्सनी संताप व्यक्त केला आहे. एका बाजूला शिक्षकांच्या शिस्तीवर आणि जबाबदारीवर चर्चा होत असते, तर दुसऱ्या बाजूला असंख्य नेटकरी वर्गातून अनेक प्रतिक्रिया आलेल्या आहेत. एका यूजरने म्हटलं,''कायमसाठीच नोकरीवरुन काढायला पाहिजे'' अशा अनेक प्रतिक्रिया आलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.