Russian Women Viral Video: भारतात दरदिवशी अनेक विदेशी पर्यटक येत असतात आणि हे पर्यटक भारतीयांसाठी आकर्षणाचा विषय ठरतात.भारतातील लहानापासून ते मोठ्यापर्यंत सर्वांना विदेशी पर्यटकांसोबत सेल्फी घेण्याचा मोह आवरता येत नाही.विशेष म्हणजे विदेशी पर्यटकही आनंदाने त्यांच्यासोबत सेल्फी देण्यास होकार देतात,मात्र सध्या व्हायरल होत असलेला व्हिडिओ या संबंधित आहे,ज्यात एका विदेशी महिलेने भारतीयांना सेल्फी घेण्याच्या विनंतीला कंटाळून अजब जुगाड शोधून काढलेला आहे.

नेमका अजब फंडा तरी काय?

व्हायरल(Viral) होत असलेल्या व्हिडिओत एक रशियन महिला आहे.जी भारतातील एका समुद्रकिनारी पर्यटनासाठी आलेली असते.मात्र त्या समुद्रकिनारी आलेला अनेक भारतीय पर्यटक वर्ग तिच्यासोबत वारंवार सेल्फी घेण्यास सांगत होता,मात्र त्या रशियन महिलेने कंटाळून तिच्यासोबत सेल्फी घेण्यासाठी १०० रुपये आकारण्यास सुरुवात केली.रशियन महिला पर्यटकाने केलेला हा अजब फंडा कामही करण्यास सुरुवात झाली होती.काही भारतीय पर्यटक सेल्फी घेण्यासाठी तिला १०० रुपयेही देऊ लागला.

व्हायरल होत असलेला व्हिडिओ सध्या इन्स्टाग्राम या सोशल मीडिया प्लॅटफॉर्मवर स्वत:रशियन महिलेने पोस्ट केला आहे.अंजेलिना असे रशियन महिला पर्यटकाचे नाव आहे.व्हिडिओ पोस्ट करत तिने कॅप्शनमध्ये,''तिने केलेला उपाय कसा आहे हे विचारले आहे''. सहा दिवसांपूर्वी व्हिडिओ अपलोड केल्यानंतर ९४ हजाराहून अधिक नेटकऱ्यांनी व्हिडिओला लाईक्स केलेल आहे तर मोठ्य संख्येने व्ह्यूजही मिळत आहेत.

नेटकऱ्यांच्या भन्नाट प्रतिक्रिया

रशियन महिलेच्या अजब जुगाडचा व्हिडिओ नेटकरी वर्गाच्या मोठ्या पंसतील आलेला आहे.व्हिडिओ पाहिल्यानंतर कमेटबॉक्समध्ये नेटकऱ्यांनी विविध प्रतिक्रिया केलेल्या आहेत.त्यातील एका यूजरने लिहिले,''ती भारतीयांपेक्षा भारतीयांना जास्त ओळखते''तर दुसऱ्या एका यूजरने लिहिले,''आमच्या करमंत्र्यांकडून लवकरच तुमच्यावर कर आकारला जाईल'',अशा अनेक गंमतीदार प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.