आजच्या सोशल मीडिया युगात प्रसिद्ध होण्यासाठी तरुणाई अनेक वेगवेगळे प्रयोग करताना दिसते. काही वेळा हे प्रयोग मनोरंजनापुरते मर्यादित राहतात, मात्र काही वेळा कायद्याचा भंग करतात. सध्या अशाच एक व्हिडिओ सोशल मीडियावर प्रचंड व्हायरल होत आहे. या व्हिडिओमध्ये काही तरुण सार्वजनिक ठिकाणावरुन जाणाऱ्या लोकांनी बियर वाटताना दिसत आहेत.

संपूर्ण प्रकार जयपुरच्या रस्त्यावरील आहे. जिथे काही तरुणांनी प्रसिद्धीच्या नादात एक हटके आणि धक्कादायक(Shocking) प्रकार केला. त्यांनी रस्त्यावर येणाऱ्या-जाणाऱ्या सामान्य नागरिकांना थांबवून त्यांना बियरचे बाटल्या वाटल्या शिवाय ग्लासात काढून ते पिण्यास देत होते. या सगळ्या प्रकाराचा त्यांनी रिल्ससाठी व्हिडिओ शूट केला आणि तो सोशल मीडियावर अपलोड केला. हा व्हिडिओ काही तासांतच व्हायरल झाला आणि अनेकांनी यावर संताप व्यक्त केला.

व्हिडिओ व्हायरल होताच पोलिसांनी त्यांच्यावर कारवाई केलेली आहे. व्हिडिओ पाहिल्यानंतर त्यावर नेटकरी वर्गातून अनेक प्रतिक्रिया देखील आलेल्या आहेत. त्यातील एका यूजरने कमेंट केली,''बरं झालं पोलिसांची चांगलीच कारवाई केली,परत असं काही करणार नाही'' तर दुसऱ्या यूजरने कमेंट केली,''नागरिकांची हाणायला पाहिजे होते'' अशा विविध संतापजनक प्रतिक्रिया दिलेल्या आहेत.

हा व्हिडिओ @ThePlacardGuy या अकाउंटवर काही तासा आधी अपलोड केलेला आहे. व्हिडिओ(Video) अपलोड करताच कॅप्शनमध्ये घटना कुठली आहे आणि काय घडले ते सविस्तर लिहिले आहे. याआधीही सोशल मीडियावर तरुणांईचे अनेक धोकादायक रिल्स व्हिडिओ व्हायरल झालेले आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.