सोशल मीडियावर दररोज अनेक व्हिडिओ व्हायरल होत असतात. त्यातील बरेच व्हिडिओ विविध प्राण्यांचे दिसून येतात. मग प्राण्यांच्या या व्हिडिओत तुम्हाला अनेकदा 'पिटबुल' या भयंकर कुत्र्यांच्या प्रजातीचे व्हिडिओ पाहण्यास मिळतात. पिटबुलच्या हल्ल्यात अनेकांना आपला जीव गमवावा लागला आहे. यामुळे प्रत्येक व्यक्ती या पिटबुलपासून लांब असतो. मात्र सोशल मीडियावर पिटबुल या कुत्र्याचा एक व्हिडिओ व्हायरल झालेला आहे, ज्यात पिटबुलने आपल्या मालकाचे भयंकर कोब्रा या सापापासून प्राण वाचवले आहे.

व्हायरल होत असलेला व्हिडिओ(Video) उत्तर प्रदेश जिल्ह्यातील झाशीमधील आहे. जिथे एका घराच्या अंगणात काही मुले खेळत होती असे सांगण्यात येत आहे, दरम्यान मुलं खेळताना अंगणात कोब्रा(cobra) येतो त्यानंतर अंगणात असलेल्या पिटबुल (Pitt Bull)ते पाहतो त्यानंतर मुलांचा जीव वाचवण्यासाठी कोब्रा या महाभयंकर सापाशी लढतो. सर्व व्हिडिओ एका व्यक्तीने कैद केलेला आहे. त्यानंतर सोशल मीडियावर व्हायरल(Viral) करण्यात आलेला आहे.

व्हायरल होत असलेल्या व्हिडिओत तुम्हाला एका घराच्या बाजूचे अगंण दिसून येत आहे. व्हिडिओत तुम्ही पाहिले की अंगणाचा परिसर अतिशय विस्तृत आहे. मात्र याच अंगणात एक सफेद रंगांचा पिटबुल आहे जो अतिशय संतापलेला दिसून येत आहे. मात्र जर तुम्ही हा व्हायरल व्हिडिओ नीट पाहिला तर दिसेल की, पिटबुल चक्क एका मोठ्या कोब्रा या सापाशी लढताना दिसून येत आहे.

झाशीमधील व्हिडिओ सोशल मीडिया प्लॅटफॉर्म एक्सवरील या अकाउंटवर शेअर केलेला आहे. व्हिडिओ व्हायरल होताच तब्बल लाखोंच्या संख्येने यूजर्स व्हिडिओ पाहत आहेत एवढेच नाही तर व्हिडिओला नेटकऱ्यांनी मोठी पसंती दिलेली आहे. व्हिडिओ पाहिल्यानंतर अनेक यूजर्संनी विविध प्रतिक्रिया केलेल्या आहेत, त्यातील एका यूजरने लिहिले आहे की,''पिटबूल नसता तर काय झाले असते'' तर दुसऱ्या एका यूजरने लिहिले आहे की,'' खूपच ऐतिहासिक दृश्य आहे हे'' शिवाय आणखी एका यूजर्संनी लिहिले आहे की,''खतरनाक आहे हे'', अशा अनेक आश्चर्यचकित करणाऱ्या प्रतिक्रिया नेटकऱ्यांनी केलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.