सोशल मीडियावर रोजच वन्यजीवांचे विविध व्हिडीओ व्हायरल होत असतात आणि नेटकऱ्यांना हे पाहायला खूप आवडते. काही व्हिडीओंमध्ये प्राणी मजेशीर कृती करताना दिसतात, तर काहींमध्ये त्यांचा आश्चर्यकारक कौशल्यांनी लोक थक्क होतात. सध्या असाच एक अनोखा व्हिडीओ सोशल मीडियावर चर्चेचा विषय ठरत आहे. या व्हिडीओमध्ये एक माकड घरातील कामे करताना दिसत आहे. माणसासारखे वागणारे हे माकड पाहून नेटकरी अचंबित झाले असून हा व्हिडीओ झपाट्याने व्हायरल होत आहे.

या व्हायरल व्हिडीओत दिसत आहे की, एक माकड घरकामात मदत करत आहे. विशेष म्हणजे, ते अगदी कुशलतेने टॉवेल घडी करण्याचे काम करत आहे, प्रथम तो एक मोठा टॉवेल नीट घडी करुन ठेवतो . असेच एक एक करुन तो सर्व टॉवेल व्यवस्थित घडी करुन एका जागी ठेवतो. हे दृश्य पाहून लोक थक्क झाले आहेत. त्याच्या चेहऱ्यावरचे हावभाव आणि काम करण्याची पद्धत मनमोहक असून, हा व्हिडीओ प्रचंड व्हायरल होत आहे. अनेकांनी या माकडाच्या हुशारीचे कौतुक केले आहे.

माणसांचे अनुकरण करण्यात पटाईत असलेली माकडे हे किती बुद्धिमान आहेत, याचा प्रत्यय या व्हिडिओतून येतो. ही पहिलीच वेळ नाही की, माकड अशा प्रकारे घरकाम करताना दिसले आहे. याआधीही अनेक व्हिडिओंमध्ये माकडे कपडे धुणे, भांडी साफ करणे आणि भाजी चिरणे यांसारखी कामे करताना पाहायला मिळाली आहेत. या माकडाची हुशारी पाहून नेटकरी थक्क झाले असून, व्हिडिओ झपाट्याने व्हायरल होत आहे.

हा मजेदार व्हिडीओ ट्विटर या सोशल मीडिया प्लॅटफॉर्मवर @Yoda4ever या अकांउटवरुन शेअर करण्यात आला आहे. व्हिडिओसोबतच "मी मदत करतो..." असे मजेशीर कॅप्शनही देण्यात आले आहे. हा व्हिडिओ पोस्ट झाल्यापासून तो प्रचंड व्हायरल झाला असून, आतापर्यंत सुमारे १ लाखांहून अधिक लोकांनी तो पाहिला आहे, तर ३७०० पेक्षा जास्त लोकांनी त्याला लाइक केले आहे. अनेकांनी या व्हिडिओवर मजेशीर कमेंट्स केल्या आहेत. एका युजरने विचारले, "मी त्याला माझ्या घरी आणू शकतो का?" तर दुसऱ्याने लिहिले, "अशा हुशार माकडांना खरोखर नोकरी द्यायला हवी!" नेटकरी या व्हिडिओवर मोठ्या प्रमाणात प्रेम दाखवत आहेत.