सोशल मीडिया हे प्रसिध्दी मिळवण्याचं प्रमुख साधन बनलं आहे. जेव्हा सोशल मीडियाचा वापर खूप कमी होता, त्यावेळी प्रसिध्दी मिळायला कित्येक वर्ष निघून जायची. मात्र आता एक व्हिडिओ व्हायरल झाला की, तो व्यक्ती रातोरात प्रसिद्ध होऊन जातो. असाच काहीसा एक व्हिडिओ सध्या सोशल मीडियावर तुफान गाजतोय.

तुम्ही युट्यूब किंवा इंस्टाग्राम उघडलं की, तुमच्या फिडवर एक व्हिडिओ नक्कीच दिसला असेल. ज्या व्हिडीओत एक पियानो वादक बुलबुल वाजवताना दिसत असेल. पियानो आणि बुलबुल यांचा संगम होऊन हा वादक मधूर गाणं वाजवाताना दिसून येतोय. या वादकाचा व्हिडिओ सध्या सोशल मीडियावर ट्रेन्डिंगला आहे.

व्हिडिओ होतोय व्हायरल

सोशल मीडियावर व्हायरल होत असलेला व्हिडिओ हा banjo_kalakar या इंस्टाग्राम अकाऊंटवरुन शेअर करण्यात आला आहे. या व्हिडिओमध्ये तुम्ही पाहू शकता की, काळ्या रंगाचं जॅकेट घातलेला वादक आधी पियानो मग बुलबुल आण मग पुन्हा पियानो वाजवून बाबासाहेब आंबेडकरांचं मधूर गाणं वाजवाताना दिसून येतोय.

वादकाने माझ्या भिमराया वाणी सांगा पुढारी होईल का.. हे गाणं वाजवलं आहे. या पियानो वादकाला ढोल वाजवणाऱ्यांचीही चांगलीच साथ मिळाली. हे मधूर संगीत ऐकून सर्वच मंत्रमुग्ध झाले. सोशल मीडियावर हा व्हिडिओ तुफान व्हायरल होतोय. या व्हिडिओला आतापर्यंत १ लाख ५० हजारांहून अधिक लोकांनी लाईक केलं आहे. यासह नेटकरी या व्हिडिओवर कमेंट्सचा पाऊस पाडताना दिसून येत आहेत.

एका युझरने लिहिले, ' हे फक्त संगीत नाहीये....ह्या गाण्यात आमच्या बाबासाहेबांचे कर्तृत्वाच्या गाथा आहे...; तर आणखी एका युझरने कमेंट करत लिहिले, ' भाऊ तुला आदराचा स्वाभीमानाचा निळा भडक कडक जय भीम गाण वाजवून आणि त्याच पोटतिडकिणी जेव्हा स्वर आले तुमच्या तोंडातून सुज्ञानाचा निर्मळ झरा.. वा क्या बात है दादा खरच या १ जानेवारी क्रांतिदिनी या धम्मबांधवाकडून मानाचा जय भीम..'