Viral Video: छत्रपती संभाजीनगरमधून एक धक्कादायक घटना समोर आली आहे. विदेशात गेलेल्या एका नागरिकाच्या बंद घरावर दरोडेखोरांनी हल्ला चढवला असून, ही संपूर्ण घटना जवळच्या सीसीटीव्ही कॅमेऱ्यात कैद झाली आहे. चोरट्यांच्या हालचाली स्पष्टपणे दिसत असल्याने हा व्हिडीओ सध्या समाजमाध्यमांवर जोरदार व्हायरल होत आहे.

नेमके घडले तरी काय?

मिळालेल्या माहितीनुसार, छत्रपती संभाजीनगर (Sambhajinagar ) मधील वाळूज बजाजनगरमधील हा प्रकार आहे. जिथे राहणाऱ्या संतोष राधाकिशासन लड्डा यांच्या घरावर हा दरोडा पडला. संतोष लड्डा हे ८ दिवसांपूर्वी विदेशात गेले होते. त्याच संधीचा फायदा घेत चोरट्यांनी डाव साधला.

चोरट्यांनी तब्बल 8 किलो सोनं आणि 40 किलो चांदीचे दागिने लपास केल्याचे प्राथमिक माहितीनुसार समोर आले आहे. हा प्रकार समोर आल्यानंतर घटनास्थळी वाळूज एमआयडीसी पोलीस आणि डॉग स्कॉडसह क्राईम ब्रँचचे अधिकारी दाखल झाले आहेत. सध्या याचा पुढील तपास सुरु केलेला आहे.

व्हायरल(Viral) होत असलेला हा संपूर्ण प्रकार तुम्हाला saamtvnews या इन्स्टाग्राम अकाउंटवर पाहण्यासाठी मिळत आहे. गेल्या काही दिवसांपासून छत्रपती संभाजीनगरमध्ये अनेक चोरीच्या घटना समोर आल्या आहेत. मात्र सध्याच्या या घटनेचा व्हिडिओ पाहून संपूर्ण परिसरात भितीचे वातावरण पसरले आहे.

टीप: हा चोरीचा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.