Panipuri Viral Video

लहानांपासून मोठ्यांपर्यंत सर्वांनाच पाणीपुरी आवडते. पाणीपुरीचं नाव जरी काढलं तरी तोंडाला पाणी सुटतं. पाणीपुरी म्हटलं की रगडा आणि तिखड गोड चव असलेलं पाणी... पण हीच पाणीपुरी चॉकलेट सिरप आणि मँगो ज्यूसची दिली तर?

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सोशल मीडिया हा व्हायरल व्हि़डिओचा खजिना आहे. आपल्याला रोजच्या रोज नवनवीन व्हायरल व्हिडिओ पाहायला मिळतात. यात भंयकर अपघातांचे व्हिडिओ असतात तर; कधी क्षुल्लक गोष्टींवरून झालेल्या भांडणाचे असतात. मीडिया प्लॅटफॉर्म असा आहे, ज्या माध्यमातून अनेक जण आपल्याकडील कला व्हिडिओच्या माध्यमातून दाखवत असतात. त्यात कधी विविध डिझाईन्सच्या रांगोळ्या असतील, तर कधी अनेक रेसिपीचे व्हिडिओ असतात. पण सध्या चॉकलेट सिरप आणि मँगो ज्यूसच्या पाणीपुरीची तुफान चर्चा होतेय.

व्हायरल होत असलेल्या व्हिडिओत एक व्यक्ती सुरुवातीला मिक्सरच्या भांड्यात पाणीपुरीच्या २-३ पुऱ्या, बारीक चिरलेला कांदा तसंच पाणीपुरीच्या पुरीमध्ये भरले जाणारे बटाट्याचे मिश्रण आणि तिखट पाणी असे सर्व पदार्थ टाकतो. मग मिक्सरला फिरवून घेऊन ते मिश्रण एकदम बारीक केले जाते. बारीक केलेल्या मिश्रणात मँगो ज्यूस आणि चॉकलेट सिरप टाकतो. मग शेवटी पाणीपुरीचे मिश्रण एका ग्लासमध्ये टाकतो.

पाणीपुरीचा हा व्हिडिओ @food_badger_official या इन्स्टाग्राम अकाउंटवर पोस्ट करण्यात आला आहे. सोशल मीडियावर अशाच प्रकारचे अनेक व्हिडिओ असतात; त्यात कधी मोमोज फ्लेव्हरचा चहा बनवला जातो, तर कधी बटरवाली चहा. तसंच फायर पाणीपुरी, विशेष म्हणजे एकदा चिकन आणि कोळंबी पाणीपुरीचा व्हिडिओही व्हायरल झाला आहे.

व्हायरल व्हिडिओवर नेटकऱ्यांच्या मोठ्या प्रमाणात प्रतिक्रिया आल्या आहेत. या व्हिडिओला आतापर्यंत चार लाख व्ह्यूज मिळाले आहेत. तसंच लाइक्सचा वर्षाव झाला आहे. हा पाणीपुरीचा व्हिडिओ बऱ्याच नेटकऱ्यांना आवडलेला दिसत नाही, असे प्रतिक्रियांवरून दिसते