Viral Video: सोशल मीडियावर आतापर्यंत सापांचे अनेक व्हिडिओ व्हायरल झाले आहेत. विविध जातीचे साप पकडताना सर्पमित्रांना जिवाची बाजी लावावी लागते. थोडी चूक झाली तरी मोठी दुर्घटना घडण्याची शक्यता असते. सध्या सोशल मीडियावर सापांचा गुंता आणि सर्पमित्र यांचा अंगावर शहारे आणणारा व्हिडिओ व्हायरल झाला आहे. (Latest Marathi News)

व्हिडिओमध्ये दिसत आहे की, एक व्यक्ती अज्ञात ठिकाणी पोहचलाय. इथे येताना त्याने आपल्यासोबत ढिगभर साप गोणीत भरून आणलेत. गोणीत एवढे साप एकत्र असल्याने हे सर्वच साप एकमेकांमध्ये गुंतले जातात. गुंतलेले साप सोडणवण्यासाठी हा व्यक्ती प्रयत्न करत आहे.

त्याने एक एक करत सर्व साप बाहेर काढलेत. मात्र यातील एक साप चांगलाच खवळतो आणि तो सर्पमित्रावर थेट हल्ला करतो. यावेळी सापाने सर्पमित्राच्या तोंडाचा चावा घेतलाय. काळजात धडकी भरवणारं हे दृश्य सध्या सोशल मीडियावर व्हायरल होतंय. सापाने चावा घेतला तरी देखील सर्पमित्र त्यांना सोडत नाही.

सापांचा सर्व गुंता सोडवून हा व्यक्ती त्यांना निसर्गअधिवासात नेऊन सोडतो. @snakeyuvaerode या इन्स्टाग्राम अकाउंटवर हा व्हिडिओ पोस्ट करण्यात आलाय. आतापर्यंत या व्हिडिओला ३४ हजारांहून अधिक लाइक्स आणि लाखोंच्या घरात व्ह्यूव्ज आलेत. व्हिडिओवर नेटकऱ्यांनी कमेंटमध्ये भीती व्यक्त केलीये. तर काहींनी या सर्पमित्राचं कौतुक केलंय.