Man Treat Crocodile Like Pet: मगरीचं नाव ऐकताच अनेकांना पळता भुई थोडी होते. मात्र अनेक व्यक्ती सध्या जंगली प्राणी देखील पाळतात. या प्राण्यांसोबत ते अगदी निर्भीडपणे राहतात. सोशल मीडियावर सध्या मगर आणि एका व्यक्तीचा भन्नाट व्हिडिओ व्हायरल झालाय. (Latest Marathi News)

घरात पाळलेला कुत्रा किंवा मांजर यांच्याशी खेळायला प्रत्येकालाच आवडतं. त्यामुळे अनेक जण अशा पाळीव प्राण्यांसोबत मजामस्ती करताना दिसतात. अशीच मजामस्ती एक व्यक्ती चक्क मगरीसोबत करत आहे. व्हिडिओमध्ये मगर आणि या व्यक्तीमधील घट्ट मैत्री स्पष्ट दिसत आहे.

व्हिडिओमध्ये तुम्ही पाहू शकता की, हा व्यक्ती नदीत आपल्या बोटीत बसला आहे. बोटीतून त्याने पाण्यात पाय खाली सोडलेत. अशात अचानक त्याच्या पायांजवळ एक मगर येते. ही मगर त्याच्या पायाचा चावा घेणार की काय? असं वाटत असतानाच वेगळंच काही घडतं.

मगर या तरुणावर हल्ला करण्याएवजी त्याच्याशी मस्ती करू लगते. मगर या तरुणाच्या हाता जवळ येते. यावेळी तरुण मांसाचा एक तुकडा या मगरीच्या तोंडात टाकून देतो. त्यानंतर मगर पुन्हा आपल्या मार्गाने पुढे जाते.

मगर आणि तरुणाची मैत्री पाहून अनेकांच्या काळजात धडकी भरलीये. सोशल मीडियावर सध्या हा व्हिडिओ जोरदार व्हायरल होतोय. व्हायरल व्हिडिओवर नेटकऱ्यांनी विविध कमेंट केल्यात. ही मगर आहे की कुत्रा असा प्रश्न एकाने विचारलाय.

मगरीच्या (Crocodile) या व्हिडिओला तब्बल ४५ लाखांहून अधिक व्यक्तींनी पाहिलं आहे. अनेकांनी यावर कमेंटमध्ये तरुणाची काळजी व्यक्त केलीये.