भरत मोहळकर, साम टीव्ही, प्रतिनिधी

गुलाबजाम म्हटलं की अनेकांच्या तोंडाला पाणी सुटल्याशिवाय राहत नाही. अनेकजण जेवणानंतर आवडीने गुलाबजाम खातात? पण याच गुलाबजामचा डर्टी व्हिडीओ पाहून तुमचा संताप अनावर झाल्याशिवाय राहणार नाही.

या व्हिडीओत मिठाईवाल्याच्या दुकानात गुलाबजाम भरून मोठं पातेलं ठेवलंय. मात्र गुलाबजामचा पाक आणखी पातळ करण्यासाठी त्यात एक तरूण लघवी करत असल्याचा दावा करणारा व्हिडिओ सोशल मीडियावर व्हायरल झालाय. त्यामुळे साम टीव्हीच्या टीमने या व्हिडीओमागचं सत्य शोधण्याचा प्रयत्न केला आणि त्यातून काय सत्य समोर आलं ते जाणून घ्या..

व्हायरल सत्य

हा व्हिडीओ सर्वप्रथम आशिक बिल्लोटा या व्यक्तीने इन्स्टाग्रामवर शेअर केला होता. हा व्यक्ती गुलाबजाममध्ये बॉटलमधून पाणी ओतत असल्याचं दिसतंय. व्हिडीओ प्रँक करताना या व्हिडीओचा अर्धवट भाग दाखवण्यात आलाय.

त्यामुळे गुलाबजामच्या पातेल्यासमोर उभा असलेला व्यक्ती गुलाबजाममध्ये लघवी करत असल्याचा दावा साम टीव्हीच्या व्हायरल चेकमध्ये असत्य ठरलाय. त्यामुळे या व्हिडिओमुळे पसरलेल्या अफवांवर विश्वास ठेवू नका.

विशिष्ट समाजाला टार्गेट करण्यासाठी हा व्हिडिओ विशिष्ट हेतूनं व्हायरल करण्यात आलाय. त्यामुळे या व्हिडिओवर विश्वास ठेवू नका.