दिलीप कांबळे, साम टीव्ही मावळ

लोणावळ्यातील भुशी डॅमवर एकाच कुटुंबातील ५ जण वाहून गेल्याची घटना ताजी असताना पुन्हा एकदा सेल्फी घेण्यासाठी पर्यटक जीव धोक्यात घालत असल्याचं समोर आलं आहे. भुशी डॅमवर पर्यटक तुफान गर्दी करत असून सेल्फी घेण्यासाठी जीव घोक्यात घालत असल्याचा व्हिडीओ समोर आला आहे. या हुल्लडबाज पर्यटकांना तातडीने आवरा अन्यथा मोठी दुर्घटना घडू शकते, अशी मागणी परिसरातील नागरिक करीत आहेत.

सध्या लोणावळ्यात तुफान पाऊस सुरू असून भुशी डॅम ओव्हर प्लो झालाय. त्यामुळे इथे पर्यटनासाठी राज्यभरातून पर्यटक दाखल होत आहे. अशातच सेल्फी आणि रिल्स काढण्यासाठी तरुणाई भुशी धरणाच्या पाण्याच्या मोठ्या प्रवाहात उतरत आहेत. आपला जीव धोक्यात घालून केवळ रिल्स आणि एका फोटोसाठी हे पर्यटक भुशी धरणाच्या पाण्याच्या मोठ्या प्रवाहात उतरले आहेत.

पोलीस आणि जीवरक्षक हे मज्जाव करत असताना देखील हे पर्यटक पाण्याच्या प्रवाहात जात आहेत. लोणावळा दुर्घटनेनंतर देखील पर्यटकांना शहाणपण आलं नसल्याचं यातून अधोरेखित होत आहे. दरम्यान पर्यटकांची हुल्लडबाजी पाहून पोलीस देखील अॅक्शन मोडवर आले आहेत. भुशी धरणाच्या प्रवाहात तसेच पायऱ्यांवर जाण्यास पर्यटकांना मज्जाव करण्यात आला आहे.

Also Read