Sangli Viral Video : सोशल मीडियावर वारंवार बिबट्याचे अनेक व्हिडिओ पाहण्यासाठी मिळत आहेत.त्यात सध्या सांगली जिल्ह्यातून पुन्हा एकदा बिबट्यासंबंधित एक व्हिडिओ व्हायरल होत आहे.ज्यात सांगली जिल्ह्यातील वाळवा तालुक्यातील पोखरणी येथील उसाच्या शेतात दोन बिबटे बिनधास्त खेळताना शेतकऱ्यांना दिसले. शेतकऱ्यांमध्ये दहशत तर पसरली होती. मात्र या बिबट्यांचे मोजमस्ती धाडसाने शेतकऱ्याने आपल्या मोबाईल मध्ये कैद केली आहे.

नेमके काय घडले?

पोखरणी येथील जासूद मळ्यात काही शेतकरी शेतात काम करीत होते. यावेळी उसामध्ये खळखळ आवाज झाल्याने या शेतकऱ्याने उसाच्या शेताकडे जाऊन पाहिले. तर त्यांना दोन बिबटे मोकळ्या जागेत जाऊन खेळत असल्याचे दिसले. दोन बिबट्यांना (Leopard)खेळताना पाहून शेतकऱ्यांचे धाबे दणाणले.

बिबट्यांच्या बिनधास्त वावरामुळे पोखरणी परिसरातील शेतकऱ्यांमध्ये भीतीचे वातावरण निर्माण झाले होते. अनेक शेतकऱ्यांच्या शेतामध्ये या बिबट्यांच्या पायाचे ठसे उमटले आहेत. वन विभागाने या बिबट्यांना जेरबंद करावे अशी ग्रामस्थ आणि शेतकऱ्यांकडून मागणी होत आहे.

saamtvnews या इन्स्टाग्राम अकाउंटवर व्हिडिओ(Video) अपलोड करण्यात आलेला आहे. व्हिडिओ अपलोड होताच कॅप्शनमध्ये,'' मौज मस्तीचा व्हिडिओ शेतकऱ्यांनी केला आपल्या मोबाईल मध्ये कैद..''व्हिडिओत नेमके काय आहे ते लिहिले आहे.आतापर्यंत व्हिडिओला अनेक लाईक्स मिळाले आहे तर अन्य सोशल मीडिया प्लॅटफॉर्मवर व्हिडिओला शेअर करण्यात येत आहे.

टीप: सांगलीमधील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.