Panchganga Ghat incident: कोल्हापूरच्या पंचगंगा नदी घाटावर घडलेली एक घटना सध्या प्रचंड चर्चेचा विषय ठरली आहे. जिथे झपाटलेल्या असल्याच्या संशयावरून एका महिलेवर मध्यरात्री मांत्रिकाकडून भूत काढण्याचा अघोरी प्रकार करण्यात आला. हा प्रकार इतका भीतीदायक होता की आजूबाजूचे लोकही थरारून गेले. संपूर्ण प्रकाराचा व्हिडिओ व्हायरल झाल्यानंतर या घटनेनं खळबळ उडाली आहे.

झपाटलेली महिला आणि मांत्रिकाचा थरारक प्रयोग

व्हायरल(Viral) होत असलेली ही घटना कोल्हापूर शहरालगत असलेल्या पंचगंगा घाटावर घडली आहे. रात्री उशिरा एक महिला, तिचे नातेवाईक आणि एक तथाकथित मांत्रिक घाटावर पोहोचले. महिला झपाटलेली असल्याचा दावा करत त्या मांत्रिकाने तिला जोरजोरात ओरडायला लावलं, तिच्या अंगावर फुंकी मारली, काही विचित्र क्रिया केल्या.

घाटावरील हा प्रकार तिथे उपस्थित असलेल्या एका व्यक्तीने मोबाईलमध्ये कैद केलेला आहे. त्यानंतर तो त्यांनी सोशल मीडियावरही व्हायरल केला आहे आणि सध्या तो व्हिडिओ इन्स्टाग्रामवरील saamtvnews या अकाउंटवर अपलोड करण्यात आलेला असून त्यावर नेटकरी वर्गातून अनेक प्रतिक्रिया आलेल्या आहेत.

धक्कादायक प्रकार पाहून नेटकऱ्यांच्या प्रतिक्रिया

कोल्हापुरमधील(kolhapur) सार्वजनिक ठिकाणी असा प्रकार पाहिल्यानंतर प्रत्येकजण घाबरुन गेलेला आहे मात्र त्यावर काहींनी संतापजन प्रतिक्रिया देखील दिलेल्या आहेत.''लोक सध्या कोणत्या युगात वावरत आहेत तरी अशा गोष्टींवर कसा विश्वास बसतो ते समजत नाही'' असे एका यूजरने म्हटलं आहे तर ''पोलिसांनी सर्वांवर योग्य ती कारवाई करावी'' असे अनेकांनी म्हटलं आहे'' अशा संमिश्र प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.