अक्षय शिंदे पाटील, साम टीव्ही प्रतिनिधी

जालन्यात मागील काही दिवसापासून मुसळधार पाऊस पडतोय. या पावसामुळे नद्यांना पूर येत असून शेतात देखील पाणी साचत आहे. जाफराबाद तालुक्यातील कोळेगाव परिसरामध्ये दोन दिवसांपूर्वी मुसळधार पाऊस पडला या पावसामुळे शेतात पाणी साचलं.या पाण्यात अनेकांची वाहने अडकल्याची आपण पाहिली आहेत. जालन्यातली एका शेतकऱ्याच्या शेतात दुचाकी शेतात फसली. शेतकऱ्याने चक्क बैलगाडीच्या मदतीने ही दुचाकी बाहेर काढली आहे.

शेतात दुचाकी फसल्याने नागेश नेवरे या शेतकऱ्याने थेट दुचाकीला बैलगाडीच्या मदतीने बाहेर काढले. हा व्हिडिओ सध्या सोशल मीडियावर चांगलाच व्हायरल होतोय. जाफराबाद तालुक्यात मुसळधार पाऊस झाला आहे.यामुळेच शेतात पाणी साचलं. त्यामुळे चिखल झाला. या चिखलात दुचाकी फसली आहे. ही दुचाकी बाहेर काढण्यासाठी बळीराजाने एकदम भारी युक्ती लढवली आहेत. त्यांनी चक्क आपली बैलगाडी शेतात घेऊन जाऊन दुचाकी बाहेर काढली आहे.

जाफराबाद तालुक्यातील कोळेगाव येथील एका शेतकऱ्याचा मोटरसायकल बैलगाडीत टाकून बाहेर काढतानाचा व्हिडिओ सध्या सोशल मीडियावर व्हायरल झाला आहे. या शेतकऱ्यांनी आपली चिखलात फसलेली दुचाकी शेतातून बैलगाडीत टाकून बाहेर काढली आहे.शेतकऱ्यांनी खूप मेहनतीने ही दुचाकी बाहेर काढली आहे.

या शेतकऱ्याने आपली बैलगाडी चिखलातून तर बाहेर काढली. यानंतर त्याने थेट बैलगाडीच्या मागे आपली दुचाकी ठेवली आणि त्यावर बसून तो गेल्याचे दिसत आहे. शेतकऱ्याचा हा अनोखा जुगाड सोशल मीडियावर प्रचंड व्हायरल होत आहे. या शेतकऱ्याचं मात्र सर्वत्र कौतुक होत आहे. शेतकऱ्याच्या मदतीला शेवटी त्याची बैलगाडीच कामाला आली. या बैलगाडीवर बाईक चढवली अन् थेट शेताबाहेर नेली. या शेतकऱ्याचा हा व्हिडिओ प्रचंड व्हायरल होत आहे.