'मुक्या प्राण्यांवर प्रेम करणे' अशी शिकवण आपल्याला लहानपणापासून दिली जाते. हिंदू धर्मात गायीला मातेसमान मानले जाते. हवामान बदलामुळे मानवाप्रमाणे पशुप्राण्यांच्याही तब्येतीवर परिणाम होतो. त्यांच्या देखील आरोग्याची काळजी घेणे तितकच गरजेचे असते. सोशल मीडियावर असाच एक व्हिडीओ व्हायरल होत आहे. ज्यामध्ये आजारी गायीला पाठीवर बांधून दोघेजण प्रवास करताना दिसत आहे. सोशल मीडियावर या दोघांच्या या धाडसाचं कौतुक होत आहे.

हिमाचल प्रदेशमधील हा व्हिडीओ आहे. ज्यामध्ये एका २०० किलो वजनाच्या आजारी गायीला पाठीवर बांधून घेऊन जाताना दिसत आहे. दयाराम आणि लाल सिंह असे असे दोघांचे नावे आहेत. गावातील नागरिक देखील त्यांच्या मदतीला दिसत आहेत. सोशल मीडियावर हा व्हिडीओ सध्या तुफान व्हायरल होत आहे.या दोघांच्या या कृतीमुळे सोशल मीडियावर नेटकऱ्यांकडून कौतुकाचा वर्षाव होताना दिसत आहे.

माहितीनुसार, हिमाचल प्रदेशातील सिरमौर या दुर्गम भागात ही घटना घडली आहे. डोंगराळ भागात या ठिकाणी रस्ते नाही आहेत. यामुळे वाहतुकीचे साधन उपलब्ध नाही. अशातच गाय आजारी असल्याने तिला चालता येत नव्हते. यामुळे गायीला पाठीवर बांधून दवाखान्यात नेण्यात आले आहे. गायीला उपचारासाठी नेणं अत्यंत आवश्यक असल्याने या दोघांनीही हे धाडस केले आहे. त्यामुळे त्यांच्या हिम्मतीचं विशेष कौतुक आहे.

या गावापासून १ तास अंतरावर प्राण्यांचा दवाखाना आहे. या दोघांनीही वजनदार गायीला घेऊन डोंगराळ भागातून चढ- उतार करून प्रवास केला आहे. गायीला या दोरीच्या सहाय्याने या दोघांच्या पाठीला बांधले आहेत. हे दोघेही वजनदार गायीला घेऊन हा प्रवास करताना दिसत आहेत. गायीला उपचार मिळावा यासाठी या दोघांनीही ही हिम्मत दाखवली आहे.