हिमाचल प्रदेश आणि उत्तराखंडमध्ये जोरदार पावसामुळे मोठे नुकसान झाले आहे. ढगफुटी, भूस्खलन आणि पूर परिस्थिती यासारख्या नैसर्गिक आपत्तींमुळे संपूर्ण जनजीवन विस्कळीत झाले आहे. रस्ते, पूल आणि रेल्वे देखील बंद करण्यात आले आहेत. अनेक डोंगराळ भागात दरडी कोसळल्या आहेत. सोशल मीडियावर देखील याचे अनेक व्हिडीओ व्हायरल होत आहेत. असाच एक व्हिडीओ सध्या समोर आला आहे.

हिमाचल प्रदेशातील कुल्लू जिह्यातील प्रसिद्ध पर्यटन स्थळ असलेल्या मणिकर्णामध्ये भयावह परिस्थीती झाली आहे. मणिकर्ण घाटात डोंगरातून भूस्खलन होण्याची परिस्थिती निर्माण झाली. अचानक डोंगराळ भागातून मोठमोठ्या दगडी पडल्या आहेत. सोशल मीडियावर भूस्खलनाचा भयानक व्हिडीओ समोर आला आहे. ज्यामध्ये डोंगरावरून दगडी पडल्याने आजूबाजूंच्या परिसरात भितीदायक परिस्थिती निर्माण झाली असून प्रशासनाने स्थानिकांना सतर्क राहण्याचे आवाहन करण्यात आले आहेत.

मागील अनेक दिवसांपासून हिमाचलप्रदेशमध्ये पावसाने जोर धरला आहे. कुल्लू आणि मंडी या प्रसिद्ध शहरांचे नुकसान झाले आहेत. कुल्लूच्या मणिकर्ण येथे यात्रेकरू भेट देत असतात. यामुळेच सध्या होत असलेल्या नैसर्गिक आपत्तीमुळे प्रशासनाने यात्रेकरू व स्थानिकांना खबरदारीचे आदेश दिले आहेत.