रिल्स बनवत असाल तर आता तुम्हाला पैसे मिळणार आहेत.केंद्र सरकारनेच रिल्स बनवणाऱ्यांना ऑफर दिलीय. त्यामुळे तुम्हाला जर रिल्स बनवून पैसे कमवायचे असतील तर ही योग्य संधी असल्याचा दावा व्हायरल मेसेजमध्ये करण्यात आलाय.पण, खरंच असं सरकारने रिल्स बनवणाऱ्यांसाठी कोणती योजना आणलीय का? सरकार खरंच रिल्स बनवणाऱ्यांना पैसे देणार आहे का? असे अनेक प्रश्न उपस्थित होतायत. त्यामुळे आम्ही याची दाव्याची पडताळणी सुरू केली. त्याआधी मेसेजमध्ये काय दावा केलाय पाहुयात.

व्हायरल मेसेज

तुमचे गाव किती स्वच्छ आणि पाण्याने समृद्ध आहे? तर चला, तुमचा मोबाईल उचला, तुमच्या गावातील स्वच्छतेबाबत एक रिल बनवा आणि देशाला दाखवा. 5 हजारपर्यंत रोख जिंका. हा मेसेज व्हायरल होतोय. त्यामुळे रिल्स बनवणाऱ्यांमध्ये उत्साह आहे. खरंच पैसे मिळणार असतील तर ते रिल्स कसे हवेत.सरकारला कोणत्या विषयासंबंधी रिल्स अपेक्षित आहे? याची माहिती मिळणं गरजेचं आहे. मात्र, यात तथ्य आहे का? हे आधी जाणून घेण्यासाठी आमच्या व्हायरल सत्य टीमने अधिक माहिती मिळवली. त्यावेळी काय सत्य समोर आलं पाहुयात.

साम इन्व्हिस्टिगेशन/व्हायरल सत्य

जलजीवन मिशन अंतर्गत केंद्र सरकारची स्पर्धा

गावातील स्वच्छतेचे रिल्स बनवून पोस्ट करायचे

गावात स्वच्छता आणि जलसंवर्धनाबद्दल रिल्स हवेत

स्वच्छता आणि जलजीवन अभियानाशी संबंधित स्पर्धा

90 ते 150 सेकंदांची रील बनवावी लागेल.

रीलमध्ये, तुम्हाला फक्त तुमच्या गावात स्वच्छता, पाण्याचे स्रोत, पावसाच्या पाण्याचा साठा, शौचालय व्यवस्था किंवा इतर कोणत्याही सकारात्मक बदलाची कहाणी तुमच्या स्वतःच्या शब्दात व्हिडिओद्वारे सांगायची आहे. आणि हा व्हिडिओ कसा अपलोड करायचा यासाठी मेरी सरकार डॉट भारत या साईटवर सर्व माहिती उपलब्ध करण्यात आलाय.

अर्ज करण्याची 31 जुलै ही शेवटची तारीख आहे. दर महिन्याला, टॉप 5 सर्वोत्तम रील विजेते म्हणून निवडले जातील. त्यामुळे आमच्या पडताळणीत रिल्स बनवणाऱ्यांना सरकार 5 हजार रुपये देणार असल्याचा दावा सत्य ठरलाय. मात्र, सरकार सगळ्यांनाच पैसे देणार नाहीय.तर अर्ज करणाऱ्यांपैकी सर्वोत्तम व्हिडिओ बनवणाऱ्यांनाच पैसे मिळणार आहे.