मुंबईमधील एका हाय-राइज इमारतीतील एक व्हिडीओ सध्या व्हायरल होतोय. या इमारतीवरील 31व्या मजल्यावर मधमाशांनी मोठं पोळं बांधल्याचा दावा करणारा व्हिडीओ सोशल मीडियावर व्हायरल होतोय. या व्हिडीओमुळे नागरिकांच्या सुरक्षेबाबत प्रश्न समोर आलाय. संबंधित क्लिप्स एका इन्स्टाग्राम अकाउंटवरून शेअर करण्यात आल्या असून त्यामध्ये मधमाशांच्या पोळाचा आकार मोठा असल्याचं दाखवण्यात आलंय.

सोशल मीडियावर व्हायरल झाल व्हिडीओ

व्हिडीओमध्ये इमारतीच्या बाहेरील भागावर लटकलेलं मोठं मधमाशांचे पोळं दिसतंय. व्हिडीओ शूट करणाऱ्या महिलेचा आवाज यामध्ये ऐकू येत असून ती म्हणते की, या पोळ्यामुळे परिसरातील रहिवाशांना त्रास होतोय़. यामुळे घारत मधमाशा येत असून नागरिकांनाही त्रास होतोय.

हा व्हिडीओ इन्स्टाग्रामवर वर पोस्ट झाल्यानंतर मोठ्या प्रमाणात शेअर देखील झाला. याबाबत अजून एक व्हिडीओ पोस्ट करण्यात आलाय. या व्हिडीओमध्ये इमारतीभोवती बऱ्याच प्रमाणात मधमाशा उडताना दिसतात. शूटींग करणाऱ्या व्यक्तीच्या म्हणण्यानुसार, पोळं काढण्यासाठी कारवाई तक्रारीनंतर करण्यात आली.

हा व्हिडीओ पाहून युझर्सने विविध कमेंट्सही केल्यात. यावेळी काही युजर्सनी रहिवाशांच्या सुरक्षिततेसाठी पोळं हटवणं आवश्यक असल्याचं म्हटलंय. तर एका कमेंटमध्ये, उंच इमारतीत इतकं मोठं पोळं धोकादायक ठरू शकतं, असं म्हटलंय.

कीटक नियंत्रण तज्ज्ञांच्या मते, अशा प्रकरणांत थेट नाश करण्याऐवजी प्रशिक्षित टीमकडून सुरक्षित relocation करणं अधिक योग्य ठरतं. उंच इमारतींमध्ये पोळं आढळल्यास रहिवाशांनी स्वतः प्रयत्न न करता तज्ज्ञांची मदत घ्यावी, असंही ते सांगतात.