Viral Dance Video: मराठी गाण्यांचं वेड आता फक्त महाराष्ट्रापुरतं मर्यादित राहिलेलं नाही, तर त्याची गाज परदेशापर्यंत पोहोचलेली आहे. याचं ताजं उदाहरण म्हणजे सध्या सोशल मीडियावर व्हायरल होणारा एक धमाकेदार डान्स व्हिडीओ, ज्यामध्ये काही परदेशी चिमुकली 'एक नंबर तुझी कंबर' या मराठमोळ्या गाण्यावर भन्नाट डान्स करताना दिसत आहेत.

हा डान्स(Dance) व्हिडीओ पाहताच एक क्षणासाठी विश्वास बसणार नाही की हे लोक महाराष्ट्राचे नाहीत! त्यांच्या एक्सप्रेशनमध्ये आणि लयीत इतकी सफाई आहे की, कुणीही म्हणेल, "हे तर आपलेच आहेत!" 'एक नंबर तुझी कंबर' हे मराठी लोकप्रिय गाणं जे आपल्या ताल आणि ठसक्यामुळे तरुणांमध्ये खूप प्रसिद्ध आहे.

या व्हिडीओत डान्स करणाऱ्या कलाकारांमध्ये कोणतीही मराठी भाषेची माहिती नसतानाही त्यांनी गाण्याचे शब्द, त्यातील ताल, आणि हावभाव इतक्या अचूकतेने पकडलेत की, पाहणाऱ्याच्या अंगावर रोमांच उभे राहतात. सोशल मीडियावर व्हिडीओवर नेटकऱ्यांच्या प्रतिक्रियांचा पाऊस पडतोय.

हा व्हिडिओ(Video) इन्स्टाग्रामवरील masakakidsafricana या अकाउंटवर ४ जून रोजी अपलोड करण्यात आलेला आहे. त्यानंतर व्हिडिओला लाखोंचे व्ह्यूज आणि लाईक्स मिळालेले आहेत. तर अनेक मराठी नेटकऱ्यांनी मराठी भाषेत त्यांच्या डान्सचे कौतुक केले आहे तर अनेकांनीही कौतुकास्पद प्रतिक्रिया दिलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.