Marriage video viral:

इराकमध्ये एका लग्न समारंभात नवरदेव आणि नवरी यांचा डान्स चालू असताना आग लागल्याची घटना घडली. ही घटना काही दिवसांपूर्वी घडली होती, परंतु या घटनेचा व्हिडिओ सोशल मीडियावर व्हायरल झालाय. यात दुर्घटनेत १०० हून अधिक जण होरपळून मृत्यू झाला तर १५० जण जखमी झाले आहेत. (Latest News)

थरकाप उडवणारा हा व्हिडिओ इराकमधील काराकोश गावजवळचा आहे. व्हिडिओमध्ये नवरा-नवरी आनंदानं डान्स करताना दिसत आहेत. लग्नात सहभागी झालेले इतर पाहुणेही त्यांच्या डान्सचं कौतु करत तेही ठुमके मारत आहेत. परंतु याच दरम्यान लग्न मंडपात आग लागते. आग लागल्यानंतर मंडपात वऱ्हाडी लोकांचा गोंधळ उडला.

काही वेळात आगीनं उग्र रूप धारण केलं आणि लग्न मंडपाचा बराचसा भाग आगीत जळून खाक झाला. इराकी वृत्तसंस्थेने नागरी संरक्षण अधिकाऱ्यांच्या हवाल्यानं म्हटलं की, लग्न मंडपाच्या बाहेरील भाग अत्यंत ज्वलनशील आवरणानं सजवला गेला होता. ज्यावर इराकमध्ये बंदी आहे. ही आग ज्वलनशील, कमी किमतीच्या बांधकाम साहित्याच्या वापरामुळे लागली. ज्यामुळे लग्नमंडपाचा काही भाग कोसळला.