आता दारू तुमच्या घरीच येणार ती म्हणजे पाईपलाईनने...केंद्र सरकारच आता घरापर्यंत पाईपलाईनने दारू देणार आहे...त्यासाठी अर्ज करावा लागणार असल्याचा दावा करण्यात आलाय...हर घर नल या योजनेप्रमाणेच ही दारूची योजना असल्याचा दावा केल्यानं चर्चांना उधाण आलंय...हा मेसेज केंद्र सरकारच्या नावाने व्हायरल होत असल्याने अनेकांना यावर विश्वास बसू लागलाय...पण, खरंच अशी केंद्राची कोणती योजना आहे का...? या मेसेजमध्ये काय दावा केलाय पाहुयात..

व्हायरल मेसेज काय?

मेसेजमध्ये म्हटलं आहे की, केंद्र सरकार घरांपर्यंत दारूची पाईपलाईन टाकणार आहे. कनेक्शनसाठी अर्ज नियम आणि कायदे देखील देण्यात आले. इच्छुकाने अर्ज भरून 11 हजारांच्या डिमांड ड्राफ्टसह पंतप्रधान कार्यालयात सादर करावा'.

या मेसेजसोबत आणखी काही माहिती देण्यात आलीय...अर्जदाराचे नाव, पत्ता आणि फोटो देखील मागवण्यात आलाय...आणि हे कनेक्शन जोडल्यानंतर महिन्याचं बिल तुमच्या घरी येईल असा दावा केलाय...पण, सरकारच्या नावाने हा मेसेज व्हायरल होत असल्याने अनेकांना खरं वाटू लागलंय...काहींनी याबाबत मेसेज करून माहिती मिळवण्याचा प्रयत्न केलाय...दारू पिणं हे आरोग्यासाठी चांगलं नाही...मग सरकारची अशी खरंच योजना आहे का...? याची सत्यता जाणून घेण्यासाठी आम्ही अधिकाऱ्यांकडून माहिती मिळवली...त्यावेळी आमच्या पडताळणीत काय सत्य समोर आलं पाहुयात...

व्हायरल सत्य काय?

साम इन्व्हिस्टिगेशन

घरी पाईपलाईनने दारू येण्याची योजना नाही

केंद्र सरकारने अशी कोणतीही घोषणा केलेली नाही

पाईपलाईनने दारू घरी येणार असल्याचा मेसेज खोटा

दारू प्या असं कोणतंही सरकार सांगत नाही...आणि दारूमुळे अनेकांचे संसार उद्धवस्त झालेयत...त्यामुळे आता मद्यपींसाठी दारूची पाईपलाईन कनेक्शन मिळणार असल्याचा दावा आमच्या पडताळणीत असत्य ठरलाय...असे मेसेज आल्यास त्याकडे दुर्लक्ष करा.