आधार कार्डबाबत एक दावा सोशल मीडियावर वेगाने व्हायरल होतोय. त्यात असा दावा केला जातोय की, आधार कार्डचे एक नवीन डिझाईन लवकरच जारी केलं जाईल. ज्यामध्ये नाव, पत्ता आणि आधार क्रमांक काढून टाकला जाईल आणि त्याऐवजी फक्त फोटो आणि क्यूआर कोड असेल. असा दावा करण्यात आलाय...पण, खरंच पुन्हा आता आधारकार्ड बदलून घ्यावं लागणार आहे का? असा सवाल उपस्थित होतोय. त्याआधी मेसेजमध्ये काय दावा केलाय पाहुयात.

हा दावा केल्याने आम्ही याची पडताळणी सुरू केली.कारण, सगळ्यांकडेच आता आधारकार्ड आहे. त्यामुळे जर बदल होणार असतील तर सगळ्यांनाच आधारकार्ड पुन्हा नवीन करून घ्यावं लागेल.आधारकार्डवर 12 अंकी नंबर असतो. त्यावरून आपली सर्व माहिती उपलब्ध होते.सरकारी कागदपत्रांसाठी आपण आधारकार्ड हे पुरावा म्हणून देतो.त्यामुळे याची माहिती आमच्या टीमने सरकारकडून मागवली. यावेळी केंद्र सरकारने स्पष्टीकरण दिलंय. त्यामुळे आमच्या पडताळणीत काय सत्य समोर आलं पाहुयात.

व्हायरल सत्य/ साम इन्व्हिस्टिगेशन

आधार कार्ड डिझाइनमध्ये कोणताही बदल होणार नाही

नाव, पत्ता, आधार क्रमांक काढून टाकला जाणार नाही

आधार कार्ड डिझाइन बदलाची बातमी खोटी

अफवांवर विश्वास न ठेवण्याचं सरकारचं आवाहन

तुमच्या आधार कार्डमधील कोणत्याही बदलांविषयीची माहिती केवळ अधिकृत वेबसाइटवरूनच घ्या. खोटे दावे आणि अफवांकडे दुर्लक्ष करा. कोणतेही व्हायरल मेसेज पडताळणीशिवाय शेअर करू नका. कोणत्याही माहितीबद्दल शंका असल्यास, UIDAI च्या अधिकृत वेबसाइट किंवा सोशल मीडिया हँडलचा संदर्भ घ्या. आमच्या पडताळणीत आधारकार्डचं डिझाईन बदलणार असल्याचा दावा असत्य ठरलाय.