Old Women Dance Video: सध्या सोशल मीडियावर एक व्हिडीओ प्रचंड व्हायरल होत आहे. या व्हिडीओमध्ये वयाची सत्तरी पार केलेल्या आज्जीबाईंचा भन्नाट डान्स पाहून नेटिझन्स थक्क झाले आहेत. "वय म्हणजे केवळ एक संख्या आहे," हे पुन्हा एकदा सिद्ध करणारा हा व्हिडीओ अनेकांच्या काळजाला भिडतो आहे. त्यांच्या उत्साहात, आत्मविश्वासात आणि लयबद्ध स्टेप्समध्ये इतकी ऊर्जा आहे की विशीतील तरुणीही त्यांच्या डान्ससमोर फिकी ठरतील.

व्हायरल(Viral) व्हिडीओमध्ये आज्जी पारंपरिक साडी नेसलेली असून एका वाढदिवसाच्या कार्यक्रमात आलेल्या आहेत. त्यानंतर डान्स करण्यासाठी त्या स्टेजवर जातात आणि आत्मविश्वास आणि चेहऱ्यावर आनंद ठेवत डान्स करण्यास सुरुवात करतात. त्यांचा डान्स बघताना क्षणभरही वाटत नाही की त्या वयाच्या ७०व्या दशकात आहेत. त्या ज्या सहजतेने गाण्याच्या तालावर थिरकतात, त्यावरून एक गोष्ट स्पष्ट होते . नृत्य हा त्यांच्या आत्म्याचा एक अविभाज्य भाग आहे.

हा व्हिडीओ पोस्ट होताच, काही तासांतच हजारो लोकांनी तो शेअर केला. अनेकांनी त्यावर कौतुकाचे कमेंट्स केले आहेत. एका युजरने लिहिले, "आज्जी, तुम्ही तर स्टार आहात! तुमचा जोश आमच्यासारख्या तरुणांना प्रेरणा देतो." दुसऱ्या एका युजरने लिहिले, "अशा आज्जी प्रत्येक घरात असाव्यात. उत्साहाची जिवंत मूर्ती!" काही लोकांनी तर आज्जींच्या डान्सवर रील्स बनवायला सुरुवात केली आहे.

आजींच्या डान्सचा (Dance) हा व्हिडिओ सध्या इन्स्टाग्रामवरील shijil_malayattoor या अकाउंटवर अपलोड करण्यात आलेला आहे. फक्त इन्स्टाग्रामवरच नाही तर एक्स, फेसबूक अशा अनेक प्रसिद्ध सोशल मीडिया प्लॅटफॉर्मवरही हा व्हिडिओ जबरदस्त व्हायरल होत आहे. व्हिडिओ पाहिलेल्या प्रत्येकाने आजींच्या डान्सचे भरपूर कौतुक केलेले आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.