Viral Video:

सोशल मीडियावर व्हायरल आणि फेमस होण्यासाठी आजची तरुणाई काय करेल आणि काय नाही याचा काही नेम नाही. आपल्याला प्रसिद्धी मिळावी आणि आपण सोशल मीडिया स्टार व्हाव यासाठी तरुण जिवाची पर्वा न करता खतरनाक स्टंटबाजी करतात. आता असं करताना अनेकदा त्यांच्या जीवावरही बेतत. तर काही व्हिडीओमध्ये त्यांची मोठी फजीती झालेली दिसते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सध्या सोशल मीडियावर असाच एक व्हिडीओ व्हायरल झालाय. यामध्ये एका तरुणाने केलेली मस्ती त्याच्या चांगलीच अंगाशी आलीये. तरुणाने एक खेकडा हातात पकडलाय. खेकड्याशी खेळ करताना त्याच्या नांग्यांपासून सावध रहावं लागतं. नांग्यांमध्ये हात सापडला तर खेकडा कडकडून चावा घेतो. आता खेकड्यासोबत एका तरुणाने स्टंटबाजी केलीये.

तरुणाने केलेल्या स्टंटचा व्हिडीओ सोशल मीडियावर व्हायरल झालाय. या तरुणाने एका हातात खेकडा पकडलाय. खेकड्याला पकडल्यावर आपल्या बचावासाठी तो नांग्यांचा वापर करतो. तरुणाने आपली जीभ खेकड्याच्या नांग्यांजवळ नेलीये. आपल्या जिभेला खेकडा चावण्याआधीच मी स्वत:चा बचाव करणार हे दाखवण्याचा प्रयत्न तरुण करत आहे. मात्र त्याची ही स्टंटबाजी फसते आणि खेकडा तरुणाच्या जिभेचा चावा घेतो.

@kiran_zare_ या इंस्टाग्राम अकाउंटवर हा व्हिडीओ पोस्ट करण्यात आलाय. ऑगस्ट महिन्यात हा व्हिडीओ पोस्ट करण्यात आलाय. आतापर्यंत या व्हिडीओवर लाखो व्ह्यूव्ज मिळालेत. तरुणाच्या जिभेला खेकडा चावल्यावर त्याला वाचवण्यासाठी दुसरा एक व्यक्ती मदत करतो आणि खेकड्याला बाजूला करतो. तरुणाची झालेली फजीती पाहून सोशल मीडियावर नेटकऱ्यांनी हसण्याचे इमोजी पाठवलेत.