Chile Plane Crash Video Firefighting Pilot Killed:

चिलीमध्ये एक दुखद घटना घडलीय. चिलीमध्ये पंगुइलेमो विमानतळाजवळ एक फायर फायटरच्या विमानाचा अपघात झालाय. अग्निशमन दलाचे विमानाने टेक ऑफ घेताच पेट घेतल्यानं पायलट स्पॅनियार्ड फर्नांडो सोलान्स रोबल्सचा मृत्यू झालाय. दुर्घटनाग्रस्त झालेले विमान अग्निशमन दलाचे असल्याचं सांगण्यात येत आहे. (Latest News)

आगीत होरपळून पायलटचा मृत्यू झाला. फर्नांडो सोलान्स हे मध्य चिलीतील तालका येथील विमानतळाजवळ ड्युटीवर तैनात होते. एका ऑपरेशन जात होते, त्यावेळी त्यांच्या विमानाने पेट घेतला. टेक ऑफ घेताच त्यांच्या विमानाने पेट घेतला. त्यानंतर हे विमान क्रापलेजवळ कोसळल्याचं सांगण्यात येत आहे. चिलीच्या मंत्रालयाने या घटनेत पायलटचा मृत्यू झाल्याची पुष्टी केलीय.

स्पॅनियार्ड फर्नांडो सोलान्स रोबल्स हे राष्ट्रीय वनीकरण महामंडळ (CONAF) साठी काम करत होते. आयरेस टर्बो ट्रश विमान १५ जानेवारीला अग्निशमनच्या कामासाठी गेले होते. त्याच दुपारी साडेचारच्या सुमारास अचानक नियंत्रण सुटले, त्यानंतर विमानाने पेट घेतला. विमानाचे नियंत्रण सुटताच काही प्रत्यक्षदर्शींनी ही घटना कॅमेऱ्यात कैद केलीय. व्हिडिओ आपण पाहू शकतो, विमान प्रचंड वेगाने झेप घेताना दिसतंय. एका विजेच्या खांबाजवळून हवेत उडत असते. त्यावेळी विमान अनियंत्रित होते आणि पेट घेतल्याचं दिसते. त्यानंतर विमान महामार्गावर कोसळते. विमान क्रॅश झाल्यानंतर महामार्गावरून प्रवास करणाऱ्या कारमध्ये प्रवास करणारे ४ जण जखमी झाले आहेत.