viral wedding video: लग्न म्हणजे प्रत्येक व्यक्तीच्या आयुष्यातील सगळ्यात खास आणि संस्मरणीय क्षण असतो. त्यात जर काहीतरी अनपेक्षित घडलं, तर ते आयुष्यभर लक्षात राहतं. नुकतच असंच काहीसं एका नवविवाहित जोडप्याच्या बाबतीत घडलं आहे, ज्याचा व्हिडिओ सध्या सोशल मीडियावर तुफान व्हायरल झाला आहे.

अवकाळी पावसामुळे वधू-वराची पंचाईत

या लग्नात(Wedding News) पावसाने असा काही सुरुवात केली की, संपूर्ण मंडप उडून गेला, संपूर्ण शेतात चिखलाचे साम्राज्य पसरले आणि घरातील सदस्यांना नवरा-नवरीला अक्षरशः खांद्यावर उचलून नेण्याची वेळ आली होती. व्हायरल व्हिडिओमध्ये दिसतं की, काही जण नवविवाहित जोडप्याला पाय भर चिखलातून उचलून नेत आहेत आणि नवरा-नवरीच्या पाठून लग्नातील वऱ्हाडी मंडळी चालत येताना दिसत आहेत.

ही घटना महाराष्ट्राच्या छत्रपती संभाजीनगर नगरमधीर आहे. मोकळ्या जागेत लग्नाची थाटामाटत तयारी करण्यात आली होती. त्यासाठी मोठा मंडप टाकण्यात आला होता शिवाय सजावटही भव्य होती. मात्र, विधी सुरू होण्याच्या काही वेळ आधी अचानक वारा आणि अवकाळी पावसाने थैमान घातलं आणि प्रत्येकाची पळापळ सुरु झाली. सध्या हा व्हिडिओ प्रत्येक सोशल मीडिया प्लॅटफॉर्मवर व्हायरल होत आहे.

हा व्हिडिओ(Wedding Video) व्हायरल होताच नेटकऱ्यांच्या पसंतील पडलेला आहे. तर काही नेटकऱ्यांनी भन्नाट प्रतिक्रियाही दिलेल्या आहेत. त्यातील एका यूजरने म्हटलं की,''वधू वराची नाही त्यांच्या मामाची पंचायत'' तर दुसऱ्या यूजरने म्हटलं,''मेघराजाने पण आशीर्वाद दिले, त्यांचे स्वागत केले हॅप्पी मॅरेज लाईफ'',''तारीख कोणी काढली होती त्याला शोधा''अशा अनेक मजेशीर प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.