uttar pradesh News: उत्तर प्रदेशातील लखनऊमध्ये रविवारी रात्री उशिरा एक अंगावर काटा आणणारी घटना घडली आहे. मडियांव परिसरात घडलेल्या या प्रकारामुळे नागरिकांमध्ये मोठी खळबळ उडाली असून संबंधित व्हिडीओ सध्या सोशल मीडियावर मोठ्या प्रमाणात व्हायरल झालेला आहे.

घडलेल्या या घटनेत (Incident)अचित नावाचा एक तरुण आपल्या दुचाकीवरून जात असताना, अचानक एका भरधाव कारने त्याच्या बाईकला जोरदार धडक दिली. त्यानंतर अचितची बाईक कारमध्ये अडकली आणि कारचालकाने गाडी न थांबवता तब्बल १ किलोमीटरपर्यंत अचितच्या बाईकला फरफटत नेलं. मात्र, प्रसंगावधान राखत त्याने चालत्या गाडीतून उडी मारून आपला जीव वाचवला.

या अपघाताच्या संपूर्ण थरारक व्हिडीओ जवळील सीसीटीव्ही कॅमेऱ्यात कैद झाला असून, सोशल मीडियावर तो मोठ्या प्रमाणावर व्हायरल होत आहे. अनेकांनी ही घटना पाहून संताप व्यक्त केला आहे आणि कारचालकावर कठोर कारवाई करण्याची मागणी केली आहे.

हा व्हिडिओ( Video) सध्या इन्स्टाग्राम, फेसबूक आणि ट्वीटर अर्थात एक्स या प्रसिद्ध माध्यमांवर शेअर होत आहे आणि इन्स्टाग्रामवरील aajtak या अकाउंटवर अपलोड करण्यात आलेल्या या व्हिडिओला लाखोंचे व्ह्यूज मिळालेले असून अनेक लाईक्स मिळालेले आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.