Haldi Dance Viral Video: सोशल मीडियावर आजवर डान्सचे अनेक व्हिडिओ व्हायरल झाले आहेत. लग्न म्हटल्यावर जंगी हळदी समारंभ आलाच. हळदी समारंभाला सर्वच जण बेफाम होत गाण्यांवर नाचतात. अशात सध्या सोशल मीडियावर एका तरुणीचा व्हिडिओ जोरदार व्हायरल झाला आहे. या व्हिडिओमध्ये तरुणीने आपल्याच हळदीत धडाकेबाज डान्स केला आहे. (Latest Marathi News)

पिवळी साडी, हिरवा चूडा, मोकळे केस आणि नाकात नथ घालून ही तरुणी डान्स करतेय. हळद लावून बॉलिवूड अभिनेत्री माधुरी दीक्षितच्या "हमको आजकल है इंतजार" या गाण्यावर तरुणीने डान्स केला आहे. अगदी माधुरी प्रमाणे ती डान्स करत आहे. डान्स करताना तिच्या चेहऱ्यावर मोठा आनंद दिसतोय.

आजकाल लग्नात नाचणाऱ्या नवरीचे अनेक व्हिडिओ व्हायरल झालेत. अशात आता आपलीच हळद गाजवणारी ही नवरी चांगलीच चर्चेत आलीये. @surbhihirnak या इंस्टग्राम अकाउंटवर व्हिडिओ पोस्ट करण्यात आला आहे. यावर चाहत्यांनी विविध कमेंट केल्यात.

एका युजरने यावर म्हटलं आहे की, तू तर माधुरी पेक्षाही भन्नाट नाचलीस. तर अन्य एकाने कमेंटमध्ये म्हटलंय की, ज्या मुलींना त्यांच्या आवडीचा जोडीदार मिळतो त्या अशाच पद्धतीने आनंद व्यक्त करतात.