खवय्ये नेहमीच नवनवीन पदार्थ चाखण्यासाठी लांब लांब शहरामध्येही भेट देतात. आपल्या जीभेजे चोचले पुरवण्यासाठी विविध पदार्थ चाखतात. सध्या सोशल मीडियावर फार अनोखे आणि शक्यतो कुणी कधी खाल्ले नसतील असे पदार्थ व्हायरल होत आहेत. आता सोशल मीडियावर एक निळ्या रंगाचा डोसा व्हायरल झाला आहे. (Latest Marathi News)
आतापर्यंत तुम्ही साधा डोसा, प्लेन डोसा, मसाला डोसा, चीज डोसा असे विविध प्रकारचे डोसे खाल्ले असतील. मात्र तुम्ही निळ्या रंगाचा डोसा खाल्ला आहे का? निळ्या रंगाचा डोसा ज्या स्टॉलवर बनवला जातोय तेथील एक व्हिडीओ सोशल मीडियावर व्हायरल झालाय. खवय्यांनी या व्हिडीओला मोठी पसंती दिली आहे.
व्हिडीओमध्ये तुम्ही पाहू शकता की, या व्यक्तीने डोसा बनवण्याचे जे बॅटर आहे ते निळ्या रंगाचे बनवले आहे. निळ्या रंगाचे बॅटर त्याने तव्यावर टाकले. त्यानंतर बाकीचे डोसे जसे बनवले जातात अगदी त्याच पद्धतीने तो डोसा बनवत आहे. सर्व मसाले, कांदा, मिरची आणि तेल टाकून या व्यक्तीने खमंग डोसा भाजून घेतलाय. हा डोसा पाहून तुमच्याही तोंडाला पाणी सुटलं असेल.
@khate_raho_dilse या इंस्टाग्राम अकाउंटवर हा व्हिडीओ पोस्ट करण्यात आलाय. रायपूर येथील हा डोसेवाला आहे. त्याने आपल्या रेसीपीमध्ये काहीतरी नाविन्य असावं म्हणून अशा पद्धतीने निळ्या रंगाचा डोसा बनवलाय. व्हिडीओवर त्याने निळा डोसा असं लिहिलंय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.