Birthday Party Viral Video:

वाढदिवस म्हटल्यावर प्रत्येक व्यक्तीच्या आयुष्यातील वर्षातील एक मोठा आणि खास दिवस. प्रत्येक जण आपला वाढदिवस कुटुंबियांसह तसेच जवळच्या व्यक्तींसह साजरा करतात. ज्या व्यक्तीचा वाढदिवस आहे त्याला खास वाटावं म्हणून अन्य मित्रमंडळी जंगी सेलिब्रेशनची तयारी करतात. मात्र आपल्या वाढदिवसाच्याच दिवशी आपल्यासोबत एखादी मोठी दुर्घटना घडली तर. प्रत्येकासाठी हे वार वाईट आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सोशल मीडियावर सध्या असाच एका दुर्दैवी घटनेचा व्हिडीओ समोर आला आहे. या व्हिडीओमध्ये एक तरुणी सुंदर नटून आलीये. तिचा वाढदिवस असल्याने ती येथे सगळ्यांत स्पेशल आहे. केक कट करण्यासाठी ती समोर उभी राहते. तिच्या पुढ्यात टेबलवर केक ठेवला जातो. त्यावर एक फायर कॅन्डल असते. ही कॅन्डल तरुणी पेटवत असते.

मात्र कॅन्डल पेटल्यावर आपल्यासोबत काहीतरी विचित्र घडणार आहे. आपल्यावर काळ घाला घालणार आहे, अशी कोणतीही कल्पना तिला नसते. अगदी आनंदात ती फायर कॅन्डल पेटवते. तितक्यात मोठा स्फोट होतो आणि एका क्षणात होत्याचं नव्हतं होतं. सेलिब्रेशनसाठी जमलेले मित्रमैत्रिणी तेथून आपला जीव वाचवून धावपळ करू लागतात.

व्हिडीओमध्ये तुम्ही पाहू शकता की, तरुणीने कॅन्डल पेटवल्यावर स्फोटचा मोठा आवाज होतो आणि आग लागते. आगीच्या ज्वाळा अगदी बाहेरपर्यंत फेकल्या जातता. एवढ्या भीषण घटनेत या तरुणीचं पुढे काय झालं. तिला दुखापत झाली की ती सुखरूप आहे. याबाबत कोणतीही माहिती मिळालेली नाही. मात्र व्हिडीओ पाहून सर्वांच्याच काळजात धडकी भरतेय.

@annoying_.girl._t या इन्स्टाग्राम अकाउंटवर हा व्हिडीओ पोस्ट करण्यात आलाय. सध्या हा व्हिडीओ सोशल मीडियावर जोरदार व्हायरल होतोय. केक कापताना शक्यातो फायर कॅन्डल, मॅजिक कॅन्डल वापरू नका असं यावर कमेंट करत अनेक नेटकऱ्यांनी म्हटलंय. तसेच काहींनी यावर चिंता व्यक्त केलीये.