Viral Video:

राज्यात सध्या नवरात्री उत्सव मोठ्या जल्लोषात साजरा होत आहे. भाविक या दिवसांत देवीची मनोभावे सेवा करतात. तरुण मुलं मुली नटून -थटून गरबा आणि दांडियाचा आनंद घेतात. अशात सोशल मीडियावर एका चिमुकलीचा व्हिडीओ जोरदार व्हायरल झालाय.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गरबा असो किंवा अन्य काही टवाळ मुलं मुलींची छेड काढतात किंवा काही कमेंट पास करतात. असे विचार असलेल्या मुलांसाठी या चिमुकल्या मुलीने घरून एक पाटीच लिहून आणलीये. यावर असं वागणाऱ्या तरुणांना चांगलाच चापकर देण्यात आलाय. तरुणांची कान टोचण्यात आलेत.

चिमुकल्या मुलीने देवीचा उत्सव कोणतेही गालबोट न लागता साजरा व्हावा यासाठी तरुणांचे कान टोचले. एका तरुणाच्या खांद्यावर ती बसली आहे. यावेळी तिच्या हातात असलेल्या पाटीवर तिने लिहिले आहे की, " भावांनो उत्सव देवीचा आहे, सर्व मुलींमध्ये देवीच बघा..." असं तिने यावर लिहिलं.

लहान मुलीचा हा मॅसेज पाहून अनेकांचे डोळे उघडलेत. नऊवारी साडीतल्या चिमुकलीला पाहण्यासाठी गरबा खेळण्यासाठी आलेल्या सर्वांच्या माना तिच्याच दिशेने वळल्यात. @aksahy.ak._ या इंस्टाग्राम अकाऊंटवर हा व्हिडीओ पोस्ट करण्यात आलाय.

सध्या हा व्हिडीओ सोशल मीडियावर तुफान व्हायरल होत आहे. नेटकऱ्यांनी चिमुकलीचं भरपूर कौतुक केलं आहे. तसेच असे सामाजिक संदेश नवरात्र उत्सवात देणे फार गरजेचे आहे, असंही काही नेटकऱ्यांनी कमेंटमध्ये लिहिलं आहे. चिमुकलीचा व्हिडीओ सोशल मीडियावर जोरदार व्हायरल होतोय. प्रत्येक मुलाने असा विचार केल्यास प्रत्येक तरुणीला सुरक्षित वाटेल.