Viral Video:

लग्न समारंभ म्हणजे डान्स, मजा-मस्ती. लग्नामध्ये प्रत्येक व्यक्ती आनंद व्यक्त करत डान्स करतात. यामध्ये काही व्यक्ती तर इतके अतरंगी पद्धतीने नाचतात की त्यांचा डान्स पाहून सगळ्यांचे लक्ष त्यांच्याकडे वेधते. अशात सोशल मीडियावर एका आजिबईंचा भन्नाट डान्स व्हिडिओ व्हायरल होतोय.

व्हिडीओमध्ये तुम्ही पाहू शकता की, एका ठिकाणी सुंदर लग्न समारंभ सुरू आहे. तरुण तरुणींसह लहान मुलांनी देखील गाण्यावर जोरदार ठेका धरला आहे. अशात वाजंत्री अचानक संबळ बजावू लागतात. संबळ ऐकून एक आजीबाई तेथे येतात आणि त्यांना नाचण्याचा मोह आवरत नाही. त्या बिनधास्त आपला आनंद व्यक्त करत नाचू लागतात. संबळवर नाचताना या आजींनी खान्देशी डान्स केला आहे.

आजींचा जोश पाहून तिथे उपस्थित अन्य व्यक्ती देखील मस्त डान्स करू लागतात. काष्टी साडी, डोक्यावर पदर आणि डोळ्यांना चष्मा अशा लूकमध्ये आजींनी हा डान्स केला आहे. @sambhal_king_sidhu या इंस्टाग्राम अकाऊंटवर हा व्हिडिओ पोस्ट करण्यात आला आहे. आता हाच व्हिडीओ सोशल मीडियावर मोठ्या प्रमाणात चर्चेत आला आहे.

सोशल मीडिया हे एक असं मध्यम आहे जिथे एका रात्रीत व्यक्ती भरपूर फेमस होतात, व्हायरल होतात किंवा मग ट्रोल होतात. यातील काही व्हिडिओ इतके सुंदर असतात की ते पाहून मनाला समाधान शांती आणि आनंद मिळतो. तर काही व्हिडिओ असेही असतात जे पाहून हसून हसून गाल दुखू लागतात.

सध्या व्हायरल होत असलेल्या व्हिडिओवर नेटकऱ्यांनी देखील कमेंट्सचा आणि लाइक्सचा वर्षाव केला आहे. आजीबाईंना पाहून तेथे तरुणी आणि काही महिला देखील त्यांच्या भोवती घोळका करून नाचू लागतात. आता यातला कोणाचा डान्स तुम्हाला सर्वात जास्त आवडला असं कॅप्शनमध्ये लिहिलं आहे. अनेकांनी कमेंटमध्ये आजीबाई असं म्हटलं आहे.